Supersfida e parë në Itali, betejë zjarri në "San Siro"
ROME - Seria A zhvillon sot “big match”-in e parë të sezonit, teksa Interi dhe Roma do të përballen në “San Siro” në një betejë të zjarrtë, që vlen jo vetëm tre pikë, por edhe për të treguar se sa janë përforcuar ekipet në merkaton e verës. Zikaltërit e nisën sezonin me një triumf në Peskara, ndërsa sot do të kenë përballë një kundërshtar aspak komod në vitet e fundit. Interi e Roma kanë luftuar për tre sezone për titullin, ndërkohë që verdhekuqtë kanë arritur të krijojnë befasi të shumta në përballjet me rivalët e tyre. “Unë mendoj se kemi bërë një merkato inteligjente, – e nisi konferencën për shtyp trajneri i Interit Andrea Stramaçoni. – Ndoshta na shpëtoi ndonjë goditje e madhe si Lukas dhe Laveci, por mendoj se kemi hedhur bazat për ndërtimin e një skuadre të madhe. Interi i ka reduktuar në 40 milionë euro rrogat e lojtarëve”, shtoi ai. Stramaçoni është një nga ata që e respekton shumë Zdenek Zeman, teknikun e Romës, me të cilin sot në mbrëmje do të jetë kundërshtar. “Zeman është Zeman. Është i veçantë në mënyrën e të bërit futboll. E admiroj shumë, ndonëse tani jemi rivalë. Ne do të përpiqemi ta fitojmë ndeshjen, siç bëjmë gjithmonë. Por, ai nuk mund të imitohet, sepse është ai. Bën futbollin e tij, është i bindur te loja dhe kredoja e vet”, tha tekniku zikaltër. Në të shkuarën, Stramaçoni ka qenë pjesë e Romës, duke drejtuar të rinjtë e kësaj skuadre. “Nuk kërkoj asnjë hakmarrje. Nëse jam tek Interi, është për shkak të 6 viteve të kaluara te Roma”, deklaron ai.
Zeman
Zdenek Zeman është gjithnjë një personazh më vete kur flet. Në prag të ndeshjes me Interin, tekniku çek i Romës ka përgëzuar merkaton e bërë nga drejtuesit e klubit, ndërsa ka bërë të ditur se do të hedhë në fushë tre sulmues. Ndërkohë, ai ka zbuluar edhe një prapaskenë të merkatos, kur Masimo Morati e kërkonte tek Interi. “Janë gjëra antike, më mirë të mos flas. Ndonjë mundësi e kisha, por moralisht isha i impenjuar me skuadra të tjera”, thotë Zeman. Ai ka shpjeguar më pas edhe shitjen e Bojan Kërkiç: “Ishte një lojtar i zoti, por gjatë grumbullimit më kërkoi disa minuta më shumë në fushën e lojës dhe unë nuk mund t’ia garantoja. Përveçse ishte i dëmtuar, nuk pati as durim”. Në lidhje me Interin, Zdenek Zeman është i njëjti. Ai kërkon një futboll sulmues dhe skuadra të zbresë si e barabartë në fushën e lojës. “Shpresoj që djemtë të luajnë si të barabartë, me synimin për fitore. Nëse japin atë që kemi provuar në stërvitje, them se do të dalim mirë. Dua një futboll të bukur. Mua më pëlqejnë këto sfida, sepse luan ndaj lojtarëve të fortë dhe dëshiron të fitosh për të treguar se je më i fortë”, deklaroi trajneri i Romës.
(er.nu/A.Latifi/BalkanWeb)
Real Madrid mposht 2-1 Barcelonën e Vilanoves e fiton Superkupën e Spanjës, ndeshja e parë kishte përfunduar 3-2 në favor të katalanasve.
TIRANE-Federata Shqiptare e Futbollit e ka nisur me një furtunë të vërtetë sezonin e ri, përsa u përket dënimeve. Komisioni i Disiplinës ka dënuar dje me 4 ndeshje pa tifozë klubin e Tomorit.
GJERMANI - Javi Martinez prezantohet zyrtarisht tek Bayern Munich. Ish lojtari i Athletic Bilbao, në konferencën për shtyp foli për herë të parë si lojtar i bavarezëve. Spanjolli, i cili zbarkoi në “Allianz Arena” për shumën e 40 milion eurove, duke përbërë dhe transferimin më të kushtueshëm në historinë e Bundesligës tha se ndihet i motivuar për të dhënë maksimumin për ekipin e tij të ri. Gjithashtu 23-vjecari pranoi se nuk ka preferenca për pozicionin që do të mbulojë në fushën e gjelbër.
Pierpaolo Bizoli, Bepe Shenca apo Paolo Tramezani? Janë këta tre emrat e parë në listën e Tiranës për të gjetur pasuesin e spanjollit Huan Rubio Sançez. Klubi bardheblu është në kërkim të një emri të madh për pankinën dhe ka hedhur sytë nga “tregu italian”. Madje, për këtë i është 
MONAKO- Në Monako është hedhur shorti për fazën në grupe për një nga kompeticionet më të rëndësishme të futbollit evropian, Ligën e Kampionëve.
Mesfushori i Barcelonës arriti që me votat e 53 gazetarëve në Monte Karlo të shpallet “Lojtari më i mirë i vitit në UEFA”. Çmimi që jepet nga UEFA i është dorëzuar lojtarit spanjoll në pas hedhjes së shortit të Ligës së Kampionëve.
Nigel De Jong zbarkoi në Itali dhe nesër zyrtarisht do të bëhet një lojtar i Milanit. Këto janë fjalët e para të holandezit për Sky Sport 24, “Jam shumë i lumtur, Milani është një ekip i madh dhe me tradita. Pas eksperiencës në Mançester unë tani mund të marrë pjesë në derbin e Milanos. Me këtë ekip mund të konkurrojmë në Itali dhe në Evropë “.
TIRANE-Drejtuesit e Flamurtarit duhet të rishikojnë edhe njëherë objektivat e tyre për këtë sezon, pasi kjo skuadër, edhe pse është ndërtuar me shumë bujë për 100 vjetorin e Pavarësisë, nuk funksionon aspak. Lojë apatike, aspak fantazi dhe një sulm steril. Janë këto karakteristikat e skuadrës vlonjate në këtë start të sezonit. Ndeshja e djeshme duhet të ishte një spektakël për tifozerinë dhe një festë për trajnerin spanjoll Hulian Rubio Sançez, por ajo është kthyer në një dramë të vërtetë. Laçi është konfirmuar “macja e zezë” e Flamurtarit, teksa, pasi i hoqi titullin dy vjet më parë, dje e ka mundur 1-0 në Vlorë. Ka mjaftuar një gol i Emurallit në startin e pjesës së dytë për t’i dhënë 3 pikët ekipit të Stavri Nicës, që e niste ndeshjen si jo favorit përballë një ekipi të ndërtuar për të fituar trofe. Tekniku durrsak sapo është rikthyer në pankinën e kurbinasve, duke treguar se mbetet një emër tepër serioz i futbollit shqiptar.
Mesfushori i Barcelonës arriti që me votat e 53 gazetarëve në Monte Karlo të shpallet “Lojtari më i mirë i vitit në UEFA”. Çmimi që jepet nga UEFA i është dorëzuar lojtarit spanjoll në pas hedhjes së shortit të Ligës së Kampionëve.
