Gjirokastër, konsulli italian takon studentët për 150 vjetorit e Italisë

GJIROKASTËR- Konsulli italian në Gjirokastër Serxho Stroci ka zhvilluar një takim me studentë dhe pedagogë të Universitetit Eqerem Cabej, në kuadër të 150 vjetorit të shpalljes së pavarësisë së Italisë.

Në qendër të takimit të zhvilluar me degën e italishtes, ka qenë prezantimi i kinematografisë italiane në periudhën e Rilindjes, si një nga epokat më të arta të kësaj gjinie kulturore.

Strozi ka vlerësuar gjatë takimit, marrëdhëniet që ekzistojnë me Shqipërinë, ndërsa ka theksuar rëndësinë e shkëmbimit kulturor, si një nga instrumentat më të rëndësishëm për forcimin e kësaj marredhënieje.

(e.m/NEWS/BalkanWeb)