Mbërrin në Shqipëri trupi i 16-vjeçares, që u gjet e masakruar në Greqi
Published on January 27, 2012 by admin · No Comments
KORÇE – Mbërrin në tokën shqiptare trupi i pajetë i 16-vjeçares, e cila u gjet e masakruar pak ditë më pare në Selanik, bashke më të dashurin e saj grek.
Familjarët e vajzës kanë shoqëruar kortezhin e trupit të pajetë nga Greqia në drejtim të Drenovës, ku dhe do të kryhet ceremonia mortore e parashikuar për ditën e shtunë.
Kristiana Mecani u gjet e masakruar në periferi të Selanikut dy ditë më parë, ndërsa sipas policisë shkak i vrasjes së saj dhe adoleshentit grek ka qenë xhelozia.
Ndërkaq dje policia e shtetit helen arrestoi njërin nga katër personat që dyshohen si bashkëpunëtorë në krim, vëllai i të cilit rezulton të jetë një 18-vjeçar rom nga Rumania, që kishte pasur lidhje intime më parë me 16-vjeçaren shqiptare.
Madje mësohet se para vrasjes dy djemtë ishin konfliktuar mes tyre, derisa i riu rom në bashkëpunim me 4 persona të tjerë kanë masakruar adoleshentët.
(er.nu/news24/BalkanWeb)
Article source: http://www.balkanweb.com/notizia.php?IDNotizia=80144
Tags: Kristiana Mecani
