Ruli padit Tahirin për shpifje, kërkon 5 mln lekë

TIRANË- 5 milion lekë është shuma që Ministri i Bujqësisë Genc Ruli kërkon si dëmshpërblim nga deputeti i Partisë Socialiste Sajmir Tahiri.

Ministri Ruli e ka paditur në Gjykatë për shpifje deputetin e Partisë Socialiste, Saimir Tahiri pasi gjatë fjalës së mbajtur në Parlament në datën 12 shtator, Tahiri akuzoi Rulin për përfshirje në aferat me koncesionet e kromit, të bëra gjatë kohës kur ka qenë ministër i Ekonomisë.

Pas dy seancave përgatitore gjyqtari Ervin Pollozhani vendosi që pavarësisht mungesës së palës së paditur të kalohet në seancë shqyrtimi gjyqësor me datë 18 nëntor.
(e.m/BalkanWeb)