PRISHTINE - Qeveria e Kosovës do të shfrytëzojë prezencën e përfaqësuesve të 25 shteteve anëtare të Grupit Ndërkombëtar Drejtues për të prezantuar planin e dialogut për veriun e Kosovës. Disa ditë më vonë, pritet që të nisë dialogu, kanë bërë të ditura burime të gazetës “Koha Ditore”.

Si rezultat i prezantimit të planit, shtetet që mbështesin pavarësinë e Kosovës dhe që janë pjesë e GND-së do të marrin vendim për përfundimin e mbikëqyrjes së pavarësisë. Në këtë mënyrë, Qeveria e Kosovës do të plotësojë edhe një kriter të kërkuar në Raportin e Progresit nga Bashkimi Evropian, e që është prezantimi i një strategjie integrimi për veriun.

Plani parashikon konsultime me përfaqësuesit e tri komunave veriore dhe asaj të Mitrovicës së veriut, në mënyrë që të fillojë zbatimi i planit të Ahtisaarit, pa iu përmendur emri.

Burimet e gazetës kanë shpjeguar se deri në shtator, pritet që presidenti i ri i Serbisë, nëse do të jetë Boris Tadic, të marrë vendim që në bazë të Kushtetutës së Serbisë të emërojë përfaqësuesit e komunave veriore.

Dialogu fillimisht do të jetë vetëm mes Qeverisë së Kosovës dhe përfaqësuesve të veriut, por siç i ka thënë gazetës një zyrtar ndërkombëtar i akredituar në Kosovë, “në një fazë të mëvonshme, Serbia duhet të jetë palë e dialogut, në mënyrë që të garantojë zbatimin e marrëveshjeve të mundshme”.

(er.nu/koha/BalkanWeb)

TIRANË- Rreth 53 mijë bagëti të imta janë vaksinuar brenda pak ditësh në Qarkun e Vlorës.

Fushata e vaksinimit në kuadër të Projektit PAZA financohet me rreth 5.7 milionë nga Bashkimi Evropian dhe 1.8 milionë euro nga buxheti i shtetit. “Një pikë në sy” do të zgjasë për 45 ditë, periudhë gjatë së cilës do të angazhohen plotësisht 750 veterinerë në të gjithë vendin.

“Kjo fushatë kombëtare vaksinimi është një nismë shumë e rëndësishme. Është projekt madhor në mbështetje të Ministrisë së Bujqësisë, Ushqimit dhe Mbrojtjes së Konsumatorit, pasi siguron shëndet të plotë të kafshëve dhe konsumatorëve”, – tha drejtuesi i Projektit PAZA, Robert J. Conor.

Nga regjistrimi i fundit i fermave ka rezultuar se në Qarkun e Vlorës janë 6 mijë e 345 ferma me rreth 390 mijë të imëta. Nga ky numër, rreth 230 mijë të imëta janë në fshatrat e Vlorës, rreth 113 mijë në fshatrat e Sarandës dhe mbi 45 mijë në zonën e Delvinës. Deri më tani janë vaksinuar dhjetëra mijëra krerë të imëta në Shkodër, Berat, Korçë, etj.

Rreth 2.5 milionë krerë dhi dhe dele do të vaksinohen përgjatë këtyre ditëve dhe në mbyllje të këtij procesi do të jetë nën kontroll të plotë shëndeti i kafshëve, rreth 85 mijë fermerëve dhe pronarëve, që kanë kontakte të drejtpërdrejta me bagëtitë.
(ma.ar/BalkanWeb)

Nostrifikimi i parë i diplomës në Bruksel, në kuadër të marrëveshjes ndërmjet Prishtinës dhe Beogradit, ka dështuar, shkruajnë mediat serbe.

Duke u thirrur në burimet brenda selisë së diplomacisë evropiane. “Novosti” thotë se çdo gjë ka qenë gati për procedurën në prani të grupit trepalësh të ekspertëve, por “ajo ka rënë poshtë për shkak se pretenduesit për nostrifikim të diplomës i ka munguar një dokument përcjellës”.

Sipas burimit të njëjtë, bëhet fjalë për diplomën universitare të një studenti shqiptar nga Kosova.

Po sipas “Novosti”-t, shtyrja për në qershor e nostrifikimit ka të bëjë vetëm me probleme teknike dhe jo me zgjedhjet në Serbi.

Marrëveshja për diplomat universitare ka dalë nga bisedimet teknike ndërmjet Prishtinës dhe Beogradit, të ndërmjetësuara nga Bashkimi Evropian. /rel/

Shpërndaje:

• 
• 
• 
• 
• 

• Printo
• Email

Beogradi, për shkak të detyrimeve ndaj BE, do të mund të detyrohet të vë sanksione ndaj një numri të madh të vendesh, ndaj të cilave Bashkimi Evropian i ka marrë këto masa. Problemi që shqetëson Serbinë është se në mesin e këtyre vendeve janë disa që nuk e kanë njohur Kosovën, e të cilat ajo i konsideron si ‘vende mike’. 

“Serbia me fitimin e statusit të kandidatit për anëtarësim në Bashkimin Evropian ka për detyrë të harmonizojë edhe politikën e jashtme me atë të vendeve të BE. Është shqetësuese fakti që mund të detyrohemi tu vëmë sanksione edhe disa vendeve që ende nuk e kanë njohur Kosovën”, ka thënë një burim zyrtar i Ministrisë së Punëve të Jashtme të Serbisë, njofton portali kosovar Telegrafi.

Ish ambasadori i Serbisë në Gjermani, analisti Ognjen Pribicevic, ka thënë se Serbia mund të detyrohet tu vë sanksione këtyre vendeve, dhe sipas tij, është normale derisa ka zgjedhur rrugën e integrimit në Bashkimin Evropian. 

(ar.si/BalkanWeb)

Beogradi, për shkak të detyrimeve ndaj BE, do të mund të detyrohet të vë sanksione ndaj një numri të madh të vendesh, ndaj të cilave Bashkimi Evropian i ka marrë këto masa. Problemi që shqetëson Serbinë është se në mesin e këtyre vendeve janë disa që nuk e kanë njohur Kosovën, e të cilat ajo i konsideron si ‘vende mike’. 

“Serbia me fitimin e statusit të kandidatit për anëtarësim në Bashkimin Evropian ka për detyrë të harmonizojë edhe politikën e jashtme me atë të vendeve të BE. Është shqetësuese fakti që mund të detyrohemi tu vëmë sanksione edhe disa vendeve që ende nuk e kanë njohur Kosovën”, ka thënë një burim zyrtar i Ministrisë së Punëve të Jashtme të Serbisë, njofton portali kosovar Telegrafi.

Ish ambasadori i Serbisë në Gjermani, analisti Ognjen Pribicevic, ka thënë se Serbia mund të detyrohet tu vë sanksione këtyre vendeve, dhe sipas tij, është normale derisa ka zgjedhur rrugën e integrimit në Bashkimin Evropian. 

(ar.si/BalkanWeb)

Beogradi, për shkak të obligimeve ndaj Brukselit, do të mund të detyrohet tu vë sanksione një numri të madh të vendeve, ndaj të cilave Bashkimi Evropian i ka marrë këto masa. Problemi që po e shqetëson Serbisë është se në mesin e këtyre vendeve janë disa që nuk e kanë njohur Kosovën, e të cilat ajo i konsideron si ‘vende mike’.

“Serbia me fitimin e statusit të kandidatit për anëtarësim në Bashkimin Evropian ka për detyrë të harmonizojë edhe politikën e jashtme me atë të vendeve të BE-së. Është shqetësuese fakti që mund të obligohemi tu vëmë sanksione edhe disa vendeve që ende nuk e kanë njohur Kosovën”, ka thënë një burim zyrtar i Ministrisë së Punëve të Jashtme të Serbisë, njoftojnë portali serb “S media”.

“Ka vende ndaj të cilave BE-ja ka vendosur sanksione të plota, si Bjellorusia, por ka edhe vende ndaj të cilave ka sanksione të lehta ekonomike si: Kina Irani, Iraku Moldavia, Sudani, etj., sanksione këto që nuk jemi të obliguar t’i përfillim në përpikëri derisa nuk jemi anëtarë të unionit”, transmeton Telegrafi.

Por ish ambasadori i Serbisë në Gjermani, analisti Ognjen Pribicevic, ka thënë se Serbia mund të detyrohet tu vë ,sanksione këtyre vendeve, dhe sipas tij, është normale derisa ka zgjedhur rrugën e integrimit në Bashkimin Evropian.

Shpërndaje:

• 
• 
• 
• 
• 

• Printo
• Email

Bashkimi Evropian ka përshëndetur vendimin e Qeverisë së Serbisë për të mos mbajtur zgjedhjet lokale serbe në Kosovë, ka deklaruar Maja Kocijancic, zëdhënëse e shefes së diplomacisë së Bashkimit Evropian, Catherine Ashton.

“Përshëndesim këtë vendim”, ka thënë Kocijancic duke përkujtuar se “Bashkimi Evropian prej kohësh ka marrë qëndrim kundër mbajtjes së zgjedhjeve lokale të Serbisë në Kosovë, pasi ato do të ishin në kundërshtim me të drejtën ndërkombëtare dhe Rezolutën 1244”.

“Gjithsesi, Bashkimi Evropian mbështet të drejtën e qytetarëve me dyshtetësi për të marrë pjesë në zgjedhjet e përgjithshme, dhe është i gatshëm të ndihmojë në realizimin e tyre”, ka thënë ndër të tjera Kocjancic.

Shpërndaje:

• 
• 
• 
• 
• 

• Printo
• Email

PRISHTINË- Kreu i ekipit negociator për Erbinë në bisedimet me Kosovën Borislav Stefanoviç vlerëson se veriut të Kosovës duhet ti jepet një status special. 

Në një intervistë për mediat austriake zyrtari serb nënvizon se një shembull i tillë është edhe ai i Tirolit apo i dy gjermanive. Ndërkohë, ai ka fajësuar Prishtinën se po pengon zbatimin e marrëveshjeve të arritura në kuadër të dialogut, me anë të veprimeve të njëanshme dhe dhunës ndaj serbëve. 

“Ka përpjekje që serbëve në veri të Kosovës tu merren targat dhe letër-njoftimet”,-ka thënë Stefanovic, raporton Europa e Lirë.  

Sipas tij, Serbia do te vazhdoje me moton “Edhe Kosova, edhe Bashkimi Evropian” si e vetmja politike që mund të ketë sukses në Serbi.

Ai shtoi se Beogradi është i gatshëm të vazhdojë dialogun me palën kosovare ndersa po punon per te marre datën për negociata për anëtarësim në Bashkimin Evropian. 
(el.me/Balkanweb)

PRESHEVE - Kryetari i Komunës së Preshevës, Ragmi Mustafa, u ka bërë thirrje të gjithë votuesve shqiptarë të bojkotojnë zgjedhjet parlamentare dhe presidenciale të Serbisë.

“Unë u bëj thirrje të gjithë shqiptarëve që më 6 maj të bojkotojnë zgjedhjet parlamentare dhe presidenciale serbe, sepse qeveria qendrore në Beograd me vite nuk po tregon se është e interesuar për ndryshimin e pozicionit të shqiptarëve në Luginën e Preshevës”, – ka thënë Mustafa në Preshevë.

Ai po ashtu ka thënë se shqiptarët e Preshevës, Bujanocit dhe Medvegjës, çështjen e fatit të tyre duhet ta zgjidhin në Prishtinë dhe Tiranë, sepse një mënyrë e tillë, sipas tij, është rruga më e shkurtër drejt Bashkimit Evropian.

“Evropa dhe Bashkimi Evropian kanë qenë dhe janë qëllimet tona. Ato do t’i realizojmë më shpejt dhe më me sukses nëse zgjidhjen e fatit tonë e kërkojmë në Prishtinë dhe Tiranë”, ka thënë udhëheqësi i PDSH-së në Preshevë.

Më herët është raportuar se katër nga gjashtë parti shqiptare në Luginë do të marrin pjesë në zgjedhjet parlamentare serbe me listën “Koalicioni i Shqiptarëve të Luginës së Preshevës”.

(er.nu/BalkanWeb)

Aktivistë të Shoqatës ”Vatra”, nëpërmjet një aksioni para Zyrës së Bashkimit Evropian, kërkuan ndaljen e arrestimeve politike nga ana e Serbisë dhe po ashtu kërkuan nga Bashkimi Evropian t’i ndal favoret për shtetin kriminal serb, pasi që duke favorizuar këtë shtet, po favorizon destabilizimin e rajonit.

Aktivistët e Shoqatës ”Vatra”, në shenjë proteste për arrestimet e fundit, në mëngjesin e së martës janë mbledhur përpara ndërtesës së Bashkimit Evropian në Prishtinë, ku edhe kanë vendosur një pankartë ku shiheshin fotografitë e kriminelit Sllobodan Millosheviq dhe ish-zëdhënësit të tij, Ivica Daçiq, dhe në të cilën thuhej “Aty ku mbete ti, po e vazhdojë unë”.

Aktivisti i Shoqatës ”Vatra”, Kushtrim Kadriu deklaroi se qytetaret e Kosovës po shohin spektakle të arrestimeve të përgatitura nga regjisori, i cili me profesion është kriminel, Ivica Daçiq, madje sipas tij ky njeri shkon aq larë sa cenon edhe integritetin territorial të një shteti tjetër.

“Ne po shohim çdo ditë filma aksion të përgatitura nga Ivica Daçaq, duke arrestuar edhe rojet e rendit. Për këtë gjë ai para pak kohësh paralajmëroi me gojën e tij, duke thënë se arrestimet do të jenë reciproke”, ka thënë Kadriu.

Sipas tij, ish presidenti serb, Sllobodan Millosheviqi i la amanet pasardhësit të tij, ish-zëdhënësit të partisë së tij, Ivica Daçiq, që të vazhdojë rrugën e tij, duke u hakmarrë te qytetarët e Kosovës.

“Nëpërmes këtij aksioni i bëjmë thirrje Bashkimit Evropian t’i ndal favoret për shtetin kriminal serb, pasi që në udhëheqësit e shtetit kriminal serb qëndrojnë kriminelët e luftës dhe duke favorizuar këtë shtet, këtë aparat kriminal, po favorizon destabilizimin e rajonit”, ka thënë Kadriu.

Ndryshe, sipas tij edhe gjatë ditës së djeshme policia serbe ka arrestuar një qytetar tjetër që jeton në Gjilan. Është fjala për Arben Murselin nga Lashtica, familja e të cilit është e shqetësuar pasi që ende nuk dihet asgjë për fatin e tij. (Kosovapress)

Shpërndaje:

• 
• 
• 
• 
• 

• Printo
• Email