SOFJE- Zyrtari i lartë i Departamentit amerikan të shtetit, Filip Riker, ka deklaruar sot se Serbia duhet ta pranoj realitetin dhe kompromiset lidhur me Kosovën, ndërsa liderët e saj nuk duhet të jenë të burgosur të së kaluarës.

Këto komente ai i bëri në Sofje të Bullgarisë, në një tubim për integrimin e rajonit të Ballkanit, raporton Europa e Lirë.

Zoti Riker tha se SHBA dhe BE kanë vizion të përbashkët të integrimit të rajonit të Evropës Juglindore në Bashkimin Evropian dhe se situatën në Ballkan nuk e përcaktojnë më në atë masë fuqitë e mëdha, aq sa liderët lokalë.

“Shumë gjëra varen nga vetë aktorët, ne nuk mundemi çdoherë në emër të tyre t’i zgjidhim problemet. Por, duhet të kujdesemi që porositë tona të jenë unike”, tha Filip Riker, duke e theksuar rëndësinë e kompromisit, të cilin aktorët lokalë në Ballkan nuk guxojnë ta përjetojnë si kapitullim.
(BalkanWeb)

Ministri i Punëve të Jashtme i Republikës së Kosovës, Enver Hoxhaj, i ka dërguar një telegram falenderimi ministrit të Punëve të Jashtme të Malit të Zi, Milan Rocen. 

Në telegram, ministri Hoxhaj ka falenderuar homologun malazez për vendimin e Qeverisë së Malit të Zi për të hapur ambasadën në Prishtinë. 

“Ne e mirëpresim hapjen e ambasadës së Malit të Zi në Prishtinë. Republika e Kosovës tashmë ka filluar procedurat për hapjen e ambasadës në Podgoricë. Hapja e këtyre ambasadave hap një kapitull të ri në marrëdhëniet tona bilaterale. Këto marrëdhënie të shkëlqyeshme janë garantues i përhershëm i stabilitetit, sigurisë dhe paqes në Ballkan si dhe i integrimeve euroatlantike të dy shteteve”, thuhet në këtë telegram. 

Ministri Hoxhaj vlerëson se hapja e misioneve dhe shkëmbimi i ambasadorëve ndërmjet Kosovës me pothuajse të gjitha vendet fqinje, konfirmon marrëdhëniet shumë të mira të shtetit tonë me vendet fqinje dhe rolin e fuqishëm stabilizues në rajon të Republikës së Kosovës. 

Derisa në vendimin e Qeverisë së Malit të Zi thuhet se hapja e ambasadës në Prishtinë i kontribuon vazhdimit të vendosjes së marrëdhënieve të mira fqinjësore, si një nga kriteret më të rëndësishme për anëtarësim në Bashkimin Evropian. 

Mali i Zi e ka njohur pavarësinë e Kosovës më 9 tetor të vitit 2008, ndërsa marrëdhëniet diplomatike me Prishtinën i ka vendosur më 15 janar të 2010.

(ar.si/BalkanWeb)

MAL I ZI- Qeveria e Malit të Zi, në mbledhjen e mbajtur të enjten, ka vendosur të hapë ambasadën e saj në Republikën e Kosovës.

“Me hapjen e ambasadës sonë në Prishtinë, do të mundësohet përparimi i mëtejmë i bashkëpunimit të mirë ndërmjet Malit të Zi dhe Kosovës”, thuhet në njoftimin e Qeverisë malazeze, njofton “Novosti Online”.

Ky vendim, sipas qeverisë së Malit të Zi, shërben vazhdimit të vendosjes së marrëdhënieve të mira fqinjësore, si një nga kriteret më të rëndësishme për anëtarësim në Bashkimin Evropian.

Mali i Zi e ka njohur pavarësinë e Kosovës më 9 tetor të vitit 2008, ndërsa marrëdhëniet diplomatike me Prishtinën i ka vendosur më 15 janar të 2010.
(e.m/BalkanWeb)

BRUKSEL- Raportuesja për Kosovën në Parlamentin Evropian, Ulrike Lunaçek, thotë se kryeministri i Kosovës, Hashim Thaçi, ka të drejt kur kritikon Brukselin, lidhur me vonesat që po shkaktohen në procesin integrues të Kosovës për në BE.

Ajo në një intervistë për “Radio Kosovë”, ka thënë se është e rëndësishme që Qeveria e Kosovës t’ua shtrijë dorën serbëve në pjesën veriore të vendit. “Për mua është e rëndësishme që të ketë një dialog dhe Qeveria e Kosovës t’ua shtrijë dorën serbëve në veri, mirëpo më e rëndësishmja është që të nis procesi dhe në këtë mes Beogradi nuk është i nevojshëm. Është me rëndësi që të hartohet plani për mbajtjen e zgjedhjeve lokale në veri, nën juridiksionin e Kosovës dhe është më rëndësi t’u thuhet serbëve se Rezoluta 1244 e Këshillit të Sigurimit, përcakton se Beogradi nuk ka autoritetet në veri”, ka thënë Lunaçek.

Ajo ka shtuar se çdo rrugë e përdorimit të forcës në veri, në formën e intervenimit, nuk është rruga e zgjidhjes së problemit. “Pra, çdo përdorim i forcës në veri nga ana e Qeverisë së Kosovës, mund të prodhojë konflikt të ri”.

Ndërkohë në lidhje me kritikat e kryeministrit të vendit, Hashim Thaçi për Bashkimin Evropian, ajo ka thënë se pajtohet me kryeministrin për këto deklaratat që i ka dhënë.

“Unë pajtohem me kryeministrin, dhe të gjithë ata që më njohin në Kosovë e dinë që unë e kam kritikuar Bashkimin Evropian dhe posaçërisht shtetet anëtare, sepse, jo unioni si union, por disa shtete anëtare, janë ato të cilat nuk po tregojnë vullnet që të përshpejtojnë sa duhet premtimin për procesin e liberalizimit të vizave dhe në këtë kuadër – kryeministri Thaçi ka të drejtë kur kritikon. Pra, janë disa shtete që e kanë njohur Pavarësinë e Kosovës, të cilat nuk po bëjnë sa duhet, po hezitojnë që Kosovës t’i japin zyrtarisht Udhërrëfyesin për liberalizimin e vizave”, ka thënë ajo.

Gjithashtu ajo ka thënë se kryeministri Thaçi, duhet të bëjë dallimin ndërmjet Komisionit Evropian, Parlamentit Evropian, të cilët fuqishëm mbështesin idenë e Udhërrëfyesit për Kosovën, por, problemi është te disa vende të BE-së, që e kanë njohur Pavarësinë e Kosovës, siç janë: Franca, Belgjika, Holanda, Suedia, pra janë ato që po e mbajnë pa lëvizur këtë proces.
(ma.ar/BalkanWeb)

Kryeministri Hashim Thaçi kritikon Bashkimin Evropian për mos përmbushjen e obligimeve, ndërsa kërcënon se çdo vonesë mund të ngjallë ide për gjakderdhje e ndryshim kufijsh mbi baza etnike ne rajon, ka transmetuar KTV sipas portalit Koha.net.

Paralajmërime të forta Thaçi dha edhe për vartësit e tij në qeveri që t’i përmbushin detyrimet, ndërsa iu shmang pyetjes nëse do të respektojë vendimin e Kuvendit për kushtëzimin e bisedimeve me Serbinë.

(ar.si/BalkanWeb)

TIRANE - Fryma e unitetit, e bashkimit kombëtar dhe jo ndasitë politike duhet të karakterizojë procesin e zgjedhjes së presidentit, që duhet të bëhet qetësisht dhe në respekt të Kushtetutës”. Ky është qëndrimi i Francës në lidhje me temën më të nxehte të politikës në Shqipëri, atë te zgjedhjes së Presidentit të ri të Republikës, i shprehur dje përmes ambasadores Christine Moro, e cila ishte e ftuar në emisionin e mëngjesit “ZIP”, në “Vizion Plus”.

Sipas diplomates, Franca dha shembullin më të mirë të unitetit në këtë aspekt, kur pas humbjes, Sarkozi tha se zoti Hollande është presidenti i të gjithë francezëve dhe duhet respektuar si i tillë. Megjithatë, ajo theksoi se zgjedhja e presidentit mbetet një çështje ekskluzive për vetë shqiptarët. “Komuniteti ndërkombëtar pret që çdo gjë të bëhet me qetësi në bazë të Kushtetutës dhe në respekt të frymës që përfaqëson institucioni i Presidentit të Republikës, i cili pasi zgjidhet duhet të përfaqësojë kombin e tij”, shtoi gjithashtu ambasadorja franceze, Christine Moro.

Diplomatja u ndal gjatë edhe në zgjedhjet e fundit presidenciale në Francë, ndërsa theksoi se kreu i ri i Elizesë nuk pritet të sjellë asnjë ndryshim për sa i përket politikave për Shqipërinë dhe shqiptarët, si edhe prioriteteve të Parisit zyrtar për stabilitetin e gjithë rajonit të Ballkanit dhe integrimit të tij në Bashkimin Evropian. Sipas saj, të vetmet ndryshime që pritet të ndihet do të jenë ato që kanë të bëjnë me politikëbërjen dhe rolin e Francës në Bashkimin Europian dhe veçanërisht në eurozonë.

(er.nu/GSH/BalkanWeb)

TIRANE-Kryeministri Berisha, pasi i uroi mirseardhjen Presidentit Vujanovic, i vlersoi si t shklqyera marrdhniet mes dy vendeve.
T dy personalitetet shprehn vullnetin e prbashkt ti thelluar ato edhe m tej si dhe pr forcimin e bashkpunimit n t gjitha fushat me interes reciprok.
Sic bn t ditur zyra e shtpit t Kryeministrit, kreu i qeveris Berisha vlersoi hapat e br nga Mali i Zi n rrugn e integrimit n Bashkimin Evropian, ndrsa e siguroi at pr mbshtetjen q Shqipria do t vazhdoj t jap n procesin e antarsimit t Malit t Zi n NATO.
Kryeministri Berisha dhe Presidenti i Malit t Zi theksuan se e ardhmja e t dy vendeve, por edhe e vendeve t tjera t rajonit, sht integrimi n Bashkimin Evropian.

M tej, Kryeministri bri nj ekspoze t zhvillimeve politike dhe ekonomike t vendit. Ai e njohu Presidentin e Malit t Zi me prpjekjet q qeveria shqiptare po bn pr ndertimin e infrastruktures strategjike ku theks iu vu asaj energjitike. Ne kete drejtim, suksesi I projektit TAP u vleresua si me rendesi strategjike edhe ne nivel rajonal.

Kryeministri Berisha u shpreh se Mali i Zi dhe Shqipria kan hapsira t gjera bashkpunimi mes tyre, sidomos n fushn e energjetiks, infrastrukturs rrugore dhe turizmit.

Kryeministri Berisha prshndeti investimet e bra n infrastruktur rrugore lidhse midis dy vendeve, si dhe e njohu Presidentin malazez me projektet e qeveris shqiptare pr prmirsimin e mtejshm t infrastrukturs rrugore q lidh Shqiprin me Malin e Zi si dhe nnvizoi domosdoshmrin e ngritjes n nj nivel edhe m t lart bashkpunimin n fushn e turizmit.

T dy bashkebiseduesit diskutuan edhe pr zhvillimet n rajon. Kryeministri Berisha vlersoi edhe njher qndrimin e Malit t Zi n njohjen e Kosovs dhe nivelin e marrdhnieve t krijuara mes tyre. “Jemi shum t interesuar t shohim ndryshimin e faqes n marrdhniet mes Serbis dhe Kosovs” – tha Kryeministri Berisha. Nga ana e tij, Presidenti Vujanovic theksoi kontributin e Kryeministrit Berisha n drejtim t paqes dhe stabilitetit ne rajon.

(d.b/BalkanWeb)

Topalli dhe Basha presin presidentin malazez Vujanovi

TIRANË- “Bashkimi Europian vlerëson lart rolin e Shqipërisë në rajon”, tha sot Komisioneri për Zgjerimin dhe Politikat e Fqinjësisë të Komisionit Evropian, Stefan Fyle. gjatë një takimi me zv.Kryeministrin dhe Ministrin e Punëve të Jashtme, Edmond Haxhinasto.
Gjatë takimit u theksua se Shqipëria është në një fazë të re cilësore të rrugëtimit të saj evropian. “Shqipëria vazhdon të mbetet një forcë stabiliteti në rajon dhe ne e vlerësojmë përherë rolin që luan Shqipëria, sidomos përsa i përket qëndrimeve nacionaliste dhe ekstremiste në rajon”, tha ai.

Fyle vlerësoi bashkëpunimin e Shqipërisë me vendet e rajonit, duke e cilësuar këtë si forcën shtytëse, apo nxitëse përsa i përket politikës së zgjerimit të Bashkimit Europian.

Ministri Haxhinasto veçanërisht vlerësoi bashkëpunimin e hapur, intensiv dhe shumë të dobishëm të Komisionit Evropian dhe strukturave të tjera komunitare. Ai vuri në dukje se sfida madhore e procesit është stabiliteti dhe qëndrueshmëria e tij në kohë, duke garantuar njëkohësisht se fokusi kryesor mbetet në arritjen e rezultateve konkrete të këtij procesi.

Sa i përket politikës rajonale të Shqipërisë, Ministri theksoi se procesi integrues është alternativa më e mirë kundër rritjes së ekstremizmit në rajon, pasi integron shoqëritë brenda tyre, vendet dhe gjithë rajonin në Bashkimin Evropian.

I pyetur mbi arrestimet e fundit të personave që akuzohen për maskarën në Maqedoni, Haxhinasto tha se “po ndjekim me shumë vëmendje të gjithë zhvillimet atje, përsa i takon hetimeve dhe të gjithë veprimet e tjera ligjore pas pesë vrasjeve makabre në Maqedoni”.

“Ne shikojmë me vëmendje se veprimet për zbatimin e ligjit, duhet të kryen në përputhshmëri të plotë me këto ligje dhe sigurisht, inkurajojmë hetimin e plotë, të saktë, të drejtë të kësaj situate, me qëllim që ata që janë fajtorë të marrin dënimin e merituar”, tha ai.

Sipas Haxhinastos, “duhet të jemi të përmbajtur që sfondi i këtij krimi makabër të mos shihet nga perceptime fetare dhe etnike, pasi kriminelët janë vetëm kriminelë, dhe nuk kanë asnjë ‘background’ në cilësimin dhe përcaktimin e tyre”.

(d.b/BalkanWeb)

Beogradi, për shkak të detyrimeve ndaj BE, do të mund të detyrohet të vë sanksione ndaj një numri të madh të vendesh, ndaj të cilave Bashkimi Evropian i ka marrë këto masa. Problemi që shqetëson Serbinë është se në mesin e këtyre vendeve janë disa që nuk e kanë njohur Kosovën, e të cilat ajo i konsideron si ‘vende mike’. 

“Serbia me fitimin e statusit të kandidatit për anëtarësim në Bashkimin Evropian ka për detyrë të harmonizojë edhe politikën e jashtme me atë të vendeve të BE. Është shqetësuese fakti që mund të detyrohemi tu vëmë sanksione edhe disa vendeve që ende nuk e kanë njohur Kosovën”, ka thënë një burim zyrtar i Ministrisë së Punëve të Jashtme të Serbisë, njofton portali kosovar Telegrafi.

Ish ambasadori i Serbisë në Gjermani, analisti Ognjen Pribicevic, ka thënë se Serbia mund të detyrohet tu vë sanksione këtyre vendeve, dhe sipas tij, është normale derisa ka zgjedhur rrugën e integrimit në Bashkimin Evropian. 

(ar.si/BalkanWeb)

Beogradi, për shkak të detyrimeve ndaj BE, do të mund të detyrohet të vë sanksione ndaj një numri të madh të vendesh, ndaj të cilave Bashkimi Evropian i ka marrë këto masa. Problemi që shqetëson Serbinë është se në mesin e këtyre vendeve janë disa që nuk e kanë njohur Kosovën, e të cilat ajo i konsideron si ‘vende mike’. 

“Serbia me fitimin e statusit të kandidatit për anëtarësim në Bashkimin Evropian ka për detyrë të harmonizojë edhe politikën e jashtme me atë të vendeve të BE. Është shqetësuese fakti që mund të detyrohemi tu vëmë sanksione edhe disa vendeve që ende nuk e kanë njohur Kosovën”, ka thënë një burim zyrtar i Ministrisë së Punëve të Jashtme të Serbisë, njofton portali kosovar Telegrafi.

Ish ambasadori i Serbisë në Gjermani, analisti Ognjen Pribicevic, ka thënë se Serbia mund të detyrohet tu vë sanksione këtyre vendeve, dhe sipas tij, është normale derisa ka zgjedhur rrugën e integrimit në Bashkimin Evropian. 

(ar.si/BalkanWeb)