Ka ngjallur diskutime kjo foto e fundit e Dafina Zeqirit. Këtu këngëtarja shfaqet pa grim dhe në dukje në gjendje jo shumë të mirë fizike. Fansat e saj besnikë janë shokuar kur e kanë parë. Një pjesë tjetër nuk beson se në këtë foto është vetë Dafina, por mendojnë se është dikush tjetër që kërkon ta imitojë.

Pas publikimit të saj në web- e të ndryshme në internet apo në rrjete sociale, aludimet kanë qenë nga më të çuditshmet. Shumë komentues hedhin dyshime së këngëtarja e suksesshme kosovare është në gjendje të dehur ose nën efektin e drogës.

Disa të tjerë madje konfirmojnë se Dafina është përdoruese e lëndëve narkotike dhe nuk habiten nga kjo pamje. Këto thashetheme nuk janë aspak të mira për imazhin e bukuroshes. Urojmë që këngëtarja të reflektojë e të prononcohet për të treguar të vërtetën në mënyrë që adhuruesit e saj të qetësohen dhe imazhi të mos i dëmtohet më tej.  Bluetooth

Nëse temperaturat këtë verë shkuan deri në 40 grade Celsius, ato ndikuan jo vetëm te njerëzit e thjeshtë, por edhe te vip-at, sidomos te femrat që deri diku nga dukja e tyre u nxehën deri në ekstrem.

Madje, vajzat e skenës na sollën lloj-lloj veshjesh dhe dukjesh, saqë dikush arriti që ta heqë edhe pjesën më të madhe të flokëve, të cilat për femrat në përgjithësi janë secila fije e çmuar, dhe të bëhen gjysmë tullace. Por, vajzat që shihni në foto, një pjesë e tyre nuk kaluan pa u komentuar nga të gjithë për dukjen e tyre.

Rikthimi dhe buja e madhe e koncerteve të Bleona Qeretit bën që ajo të pajiset edhe me veshje kundër deklaratës së saj të nxituar që e mohoi dikur në mediet e huaja gjuhën shqipe.

Ajo ishte armatosur, e megjithatë veshja e saj me shqiponjë ishte menduar për t’u mbuluar vetëm nga mesi e lart, e poshtë ishte në version jopatriotik, por “hot”.

Një tjetër artiste që i pëlqen çdo orë ndryshimet dhe i realizon se ka shumë guxim, nuk mund ta linim anash. Kjo është këngëtarja Dafina Zeqiri, e cila të paktën me këto kaçurrele të saj nuk është se u pëlqye shumë, ndërsa dominoi edhe këtë verë ngjyra e zezë dhe sytjenat e zeza.

Për këngëtaren atraktive Genta Ismajli nuk munguan nëpër koncerte edhe kaçurrelat në flokët e saj, por ajo që ra sy ishte edhe gërsheti i saj, që ta themi të drejtën ishte paksa më i madh se sa duhet, dhe dikush e krahasoi me trimëreshën Shote Galicës.

Po për dukjen e saj nuk lihet pa u komentuar dhe ka rënë në sy edhe këngëtarja shumë e kërkuar e kësaj vere, Elvana Gjata, e cila vënia në pah e stilit gërsheta të vegjël sikur t’i mungojnë pak flokët. Por, në disa koncertet Elvana ka pasur edhe probleme, ndoshta nxitime me veshjen.

Por, bumin e stilit të flokëve, ose prerjen deri në rrënjë e kishte këtë verë këngëtarja Nora Istrefi, që iu desh edhe për shkak të videos së re, por që fotot e saj erdhën dhe u komentuan edhe para se videoja të ishte në treg. E, megjithatë, këtë verë flokët sikur ia morën pak suksesin e muzikës së saj. Ndërsa, si për të kopjuar, apo ndjekur guximin e ndryshimit të Norës, edhe këngëtarja durrsake Ledi Vokshi ia futi një të qethur flokëve, vetëm se berberi i saj i bëri edhe disa yje, kjo edhe për t’iu përshtatur videos së re që këngëtarja e solli këtë verë.

Por, si duket, edhe këtë verë, jo vetëm qethja deri në zero e një pjese të kokës së artisteve tona ishte modë, edhe përdredhja e flokëve të tyre në të ashtuquajtura kaçurrele nuk munguan. Këngëtarja që këtë verë nuk solli ndonjë hit, por shumë foto dhe pushime, Rezarta Shkurtaj ra në sy në “Summer Fest” me veshjen e saj merimangë dhe kaçurrelët e saj anash. Ndërsa këngëtarja simpatike Adelina Berisha është mësuar tashmë me kaçurrelat, por këto ditë të nxehta, ajo, përveç shumë angazhimeve, u mundua duke ndryshuar styling.

Këngëtarja shkupjane Altuna Sejdiu ka qenë një nga femrat më të nxehta të kësaj vere, duke nisur nga klipi “I asaj” e deri te dukja. Ndërsa ne e siguruam vetëm këtë foto, e cila duket si dikur Madona, por Tuna çdo verë me dukjen e saj provokon dhe nuk “ia nin”, madje është gjithmonë “in”. Por, vlerësojeni ju lexues dhe dashamirë të artisteve tona, u zbukuruan apo u masakruan femrat e skenës shqiptare me këto ndryshime të guximshme të tyre? /Përgatiti: Maksim Gjokaj/Kosova Sot/

Në faqen zyrtare të Baba Stars, përveç anëtarëve të grupit dhe miqve të djemve një vëmendje e madhe po i tregohet këngëtares Tuna. Madje, vetë lideri i grupit Baba Stars, Getoari në faqen e tij në facebook bën njoftime të ndryshme që tregojnë qartë suportin profesional që i bën Baba Stars këngëtares. Më parë këtë vend të Tunës e mbante Dafina Zeqiri, meqë kjo e fundit kishte lidhje romantike me ish- anëtarin Ledri Vula.

Tani që Vula nuk është më pjesë e grupit, të gjithë anëtarët i kthyen shpinën edhe ish të dashurës së tij Dafina Zeqiri. Duket qartë që djemtë kërkojnë që të bëjnë pjesë të labelit këngëtaren Tuna, e cila është mjaft e njohur dhe nëse do të pranonte me siguri do t’i shtonte një aleate të fuqishme grupit.  Bluetooth

Çifti i njohur i skenës shqiptare, Dafina Zeqiri dhe Ledri Vula, vazhdojnë lidhjen e tyre të dashurisë. Në fakt ata nuk ishin ndarë asnjëherë, vetëm se kishin pasur disa krisje dhe zënka gjatë lidhjes së tyre. Lajmi për ndarjen e çiftit erdhi si një bombë për fansat e këngëtarëve të dashur, por ky lajm u përhap vetëm një ditë pas festimit të ditëlindjes së Ledrit në një pub të Prishtinës ku këndonte edhe Dafina, e cila ndryshoi tekstin e këngës ‘’Ti po m’pëlqen’’ duke kënduar ‘’E di që Ledri ju pëlqen, se është frajeri jem’’, fjalë këto të cilat tregonin arsye se mes tyre nuk ka krizë, edhe pse më herët ishte lajmëruar një ndarje e tyre.

Por e vërteta është që lidhja mes tyre vazhdon, ndërsa burime pranë çiftit   tregojnë se pas konfliktit me Krenarin, ku Ledri ishte rrahur keq nga ish-i dashuri i Dafinës (njëherazi edhe shok i dikurshëm i tij), e ëma e Ledrit gjithmonë kishte pasur frikë për djalin e vetëm që ka se mos i ndodh diçka.

Ajo përmes miqve të saj gazetarë ka filluar të përhapë thashethemet se Ledri dhe Dafina nuk janë më bashkë dhe se janë ndarë. Askujt nuk i dukej e vërtetë, pasi vetëm një ditë më parë kishin parë videon e performancës së Dafinës.

E gjitha dukej e vërtetë pasi po të njëjtat thashetheme që u përhapën, thoshin se Ledri është larguar nga muzika dhe do t’u përkushtohet studimeve, ndërsa është Dafina shumë e angazhuar me koncerte, pra nuk do t’u dalë koha të takohen.

Ata të dy janë parë bashkë në Ulqin në një mbrëmje humanitare, më pas kanë udhëtuar bashkë drejt Shqipërisë për pushime dhe për disa punë. Ndërsa Prishtina është aq e vogël, saqë nuk mund të bëhet jetë private larg syve të publikut, kështu që gjatë javës së kaluar dy këngëtarët e njohur janë parë bashkë rrugëve të Prishtinës dorë për dore.

Ndërsa kur kanë vënë re disa gazetarë, ata janë larguar nga rruga nga po kalonin. Kjo do të thotë se nuk ishin ndarë asnjëherë, por se fjalët për ndarjen e tyre kanë qenë vetëm thashetheme për të larguar vëmendjen e ish-të dashurit të këngëtares që të mos bëjë ndonjë incident.  PanoramaPlus

Ato janë të bukura, të suksesshme dhe të famshme. Pamja e tyre përherë të befason. Të qenit në formë dhe sidomos lufta ndaj plakjes nuk është aspak një fenomen shqiptar. Në botë thuajse të gjitha femrat e njohura kanë bërë të paktën një rregullim në pamjen e tyre. Këtë proces e kanë ndjekur edhe femrat e ekranit dhe artistet shqiptare. Megjithëse mund të themi se jo përherë rezultati ka qenë ai që ndoshta ato dëshironin. Disa prej tyre janë penduar, si p.sh. Dafina Zeqiri për gjoksin, që prapë nuk i rri që nuk i rri bukur; apo buzët e Adelina Ismajlit, që shumë prej fansave të saj u duken të ekzagjeruara.

Rozana Radi  

Gjoksi i Rozana Radit u shumëkomentua, pasi foto topless të saj një vit më parë përfunduan në faqet e para të gazetave. Këngëtarja Radi në fakt nuk e ka mohuar asnjëherë zmadhimin e gjoksit, madje ajo deklaroi publikisht se shuma që ka paguar për këtë operacion është rreth 3500 euro. Ajo që mund të themi është se Rozi ka ditur të bëjë ndërhyrjen e duhur, pasi gjoksi i saj është pëlqyer thuajse nga të gjithë.

Adelina Ismajli

Për një fizik dhe portret sa më sensual, bisturisë i është nënshtruar edhe këngëtarja tashmë e njohur në Ballkan dhe Europë, Adelina Ismajli. Ajo ka fryrë dukshëm buzët, por edhe gjoksin, i cili tashmë është më i bollshëm se disa vite më parë. Megjithatë, duket se buzët e Adelinës kanë dalë disi nga moda. Fryrja e tepërt e tyre duket se nuk po u pëlqen dhe aq adhuruesve të saj, edhe pse Adelina çdo vit e më tepër shfaqet në një superformë.

Dafina Zeqiri

Të njëjtën ndërhyrje si Rozana Radi dhe shumë këngëtare të tjera ka bërë edhe Dafina Zeqiri, por silikoni në gjoks nuk ka rezultuar me fat për këngëtaren, e cila pas operacionit ka marrë mjaft kritika nga mediat. Ndërsa ka deklaruar se operacionin e kishte bërë vetëm e vetëm për t’u bërë qejfin fansave, këta të fundit janë shprehur të pakënaqur, pasi forma e gjoksit të ri të Dafinës lë shumë për të dëshiruar, edhe pse ajo ka bërë një ndërhyrje të dytë për të riparuar ndërhyrjen e pare, e cila sërish ka rezultuar pa sukses.

Greta Koçi

Edhe Greta Koçi nuk i ka rezistuar dot trendy-t të botoxit, që kohët e fundit është përhapur në masë mes personazheve publikë. Greta flitet se ka bërë buzët dhe mollëzat e faqeve. Megjithatë, vetë ajo nuk e ka pranuar një fakt të tillë. Për të parë këto ndërhyrje mjafton të krahasosh imazhet e fotografive ndër vite, ndryshimet duken qartë.

Çiljeta Xhilaga

Çiljeta Xhilaga kohë më parë i është nënshtruar ndërhyrjes kirurgjikale për të riparuar hundën. Ky operacion është i vetmi që ka bërë këngëtarja. Ndërkohë ajo është folur për ndërhyrje për të zvogëluar gjoksin apo për të zmadhuar vithet, po asnjë nga këta zëra nuk ka qenë i saktë. Çiljeta vazhdon të ketë po të njëjtat forma.

Alberie Hadërgjonaj

Ajo duket si 25 vjeç edhe pse këtë datëlindje vetë Albërie Hadërgjonaj “nuk e mban mend” kur e ka festuar. Këngëtarja nga Kosova thuhet se ka bërë disa ndërhyrje me botox, duke filluar që nga buzët, mollëzat, hunda etj. Edhe pse i ka mohuar, ndërhyrjet janë të dukshme. Pavarësisht shmangies së rrudhave, sërish mund të themi se Albëries i mungon natyraliteti i dikurshëm, të cilin as falë botoxit nuk e ka rifituar.

Orinda Huta

Shumë pak është folur për hundën e re të këngëtares Orinda Huta, kjo ndoshta sepse Orinda e ka bërë këtë ndërhyrje shumë kohë më parë, menjëherë pasi kishte hyrë në botën e muzikës. Megjithatë, askush nuk mund ta mohojë se portreti i përkryer i Orindës është falë syve të bukur që ka dhe… falë operacionit në hundë.

Genta Ismajli

Hunda ka qenë një ndër problemet e këngëtares nga Kosova, Genta Ismajli, e cila i është nënshtruar një ndërhyrjeje të tillë, duke e zvogëluar. Megjithatë, mund të themi se ajo është më afër natyralitetit, pasi zvogëlimi i hundës është e vetmja ndërhyrje që ajo ka bërë. Urojmë që të jetë edhe e fundit!

Alketa Vejsiu

Thonë që i vështirë është vetëm fillimi dhe mesa duket i tillë ka qenë edhe për Alketa Vejsiun. Nga bukuroshja 16-vjeçare e ekranit nuk kujtojmë thuajse asgjë, pasi fytyra e Alketës ka ndryshuar totalisht. Megjithatë, sytë e saj nuk e kanë humbur shkëlqimin. Moderatorja, tashmë producente e spektaklit “X Factor”, ka zvogëluar hundën vite më parë dhe për një kohë relativisht të shkurtër e ka mbajtur të fshehtë këtë operacion. Pas bujës që bëri “hunda e re” e Alketës në prezantimin e spektaklit “Gjeniu i Vogël”, prezantuesja nuk ngurroi të fliste për këtë ndërhyrje. Pas saj, Alketa thuhet se i është nënshtruar edhe ndërhyrjeve të tjera në buzë, mollëza etj.

Sonila Meço

Edhe Sonila Meço i është nënshtruar disa ndërhyrjeve në fytyrë, duke nisur që nga hunda, për të vazhduar me buzët dhe mollëzat. Për këtë fakt Sonila nuk ka preferuar asnjëherë të bëjë komente. Megjithatë, duhet thënë se edhe pasi është bërë nënë, format e saj trupore janë mjaft të mira. Ndonjëherë pak rregullim nuk bën dhe aq dëm.

Bleona Qereti

Mesa duket hunda është një ndër problemet kryesore të personazheve publikë shqiptarë. Riparimit të saj nuk i ka shpëtuar as Bleona Qereti, e cila vite më parë ka bërë këtë ndërhyrje. Ndryshe nga këngëtaret e tjera që e kanë mohuar ndërhyrjen, Bleona nuk ka zgjedhur heshtjen. Edhe pse është komentuar shumë për këtë operacion, këngëtarja shqiptare nuk e ka mohuar asnjëherë këtë fakt.

Zajmina Vasjari

Një gjoks të ri dhe i përkryer, kjo ka qenë gjithçka ka dashur Zajmina Vasjari para shumë vitesh. Këngëtarja shqiptare ka qenë ndër të parat që, edhe pse në një moshë të re, ka zmadhuar përmasat e gjoksit të saj, duke u bërë kështu një ndër femrat më të bukura të tregut muzikor. Megjithatë, gjoksi i Zajminës ka qëlluar me një “defekt”, pasi njëri duket më i  madh se tjetri. E akuzuar shpesh edhe për operacione të tjera, Zajmina ka pranuar se ka bërë ndërhyrje vetëm te gjoksi.

Gazeta MAPO

Ledri Vula një nga liderët e grupit Baba Stars, krejt papritur në datën 13 korrik deklaron zyrtarisht në faqen e tij në Facebook: “Që sot nuk do të jem më pjesë e muzikës. Lë gjithçka pas ka të bëjë me muzikën për t’iu përkushtuar regjisë”. Lajmi tronditi jo pak fansat e Ledrit dhe grupit Baba Stars. Veçanërisht duke pasur parasysh që grupi kohët e fundit ka qenë në qendër të medias rozë. Ledri mund të konsiderohet si personazhi më i përfolur mediatik këto gjashtë muajt e fundit.

Fillimisht, historia e tij e dashurisë me Dafina Zeqirin e shndërroi në protagonist të tabloideve. Për disa muaj, çifti e ruajti me fanatizëm lajmin dhe kur u zbuluar filloi një kalvar i gjatë shkrimesh, lajmesh, thashethemesh që synonin të zbulonin të vërtetën e kësaj lidhjeje. Pasi çifti shkojnë në Los Angeles për të xhiruar klipin e tyre “Tonight”, fotot e publikuara në faqet e tyre në Facebook si dhe thashethemet që sa vinin e shtoheshin rreth tyre i dhanë fund hamendësimeve.

Po, Ledri dhe Dafina ishin bashkë. Ende pa shijuar famën e krijuar nga kjo lidhje e artë për median që e pasqyroi fort, Ledri bëhet sërish epiqendra e skupit më të madh mediatik të muajit maj.

Ai në krye të grupit Baba Stars, përleshet me Noizyn dhe një anëtar tjetër të grupit OTR. Në aeroportin e Zyrihut dy bandat rivale në muzikë dhe në jetën personale përleshen në aeroportin e Zyrihut.

Por, duke qenë se lajmi kryesor ishte përleshja askush nuk u mor me detaje të llojit: Ledri ishte i pari që u hodh dhe u përlesh me Noizyn, pavarësisht se Ledri kurrë nuk ka pasur ndonjë debat apo sherr personal me NOizyn.

Në të vërtetë ka qenë Getoar Selimi, ai që ka pasur problem me Noizyn. Për hir të Getoarit, duke e konsideruar mik dhe jo vetëm koleg dhe bashkëpunëtor, Ledri përgjaket dhe ishte i vetmi nga grupi që pësoi dëme fizike pas kësaj përleshjeje.

Madje, Ledri është ai që ironizohet edhe më shumë në këngën e Noizyt “Na jena OTR”, pavarësisht se Getoari ka qenë shkaktari i të gjithë sherreve të ndodhur me Noizyt dhe anëtarëve të tjerë të Baba Stars.

Në Prishtinë, Ledri rrihet me Krenar Çoçaj për hir të Daffyt, Getoari nuk ndërhyn
Pikërisht atëherë kur grupi Baba Stars dukej më i fortë se kurrë, kur anëtarët e tij dukeshin më të lidhur se kurrë, një ngjarje tjetër do të trondiste njëherë e mirë themelet e një shoqërie në të vërtetë pa baza.

Gjatë muajit qershor, menjëherë pas Video Festit Muzikor, Ledri Vulaj ka shkëmbyer një puthje publike me të dashurën e tij që mesa duket ka nxitur zemërimin e ish të dashurit të këngëtares Krenari, i cili më parë ka qenë mik me Ledrin. Ish i dashuri i Dafina Zeqirit, Krenar Çoçaj e ka rrahur në orët e para të mëngjesit të datës 8 qershor, teksa Ledri ka dalë nga një night club në Prishtinë.

Ledri ka qenë i shoqëruar nga Getoar Selimi i cili gjatë kohës kur miku i tij rrihej barbarisht, ka qëndruar duke parë skenën pa lëvizur as majën e gishtit për ta ndihmuar. Ngjarja e cila është pasqyruar në media e ka përmendur këtë fakt por në mënyrë sipërfaqësore.

Më pas, menjëherë pas kësaj ngjarjeje, Ledri ka marrë një vendim për tu larguar njëherë e mirë nga Labeli Baba Stars dhe jo vetëm. Gjithashtu ai i ka dhënë fund, marrëdhënies me të dashurën e tij Dafina Zeqiri e cila u bë molla e sherrit mes Ledrit dhe Krenarit, të cilët dikur kanë qenë miq e sot përveçse mbajnë statusin e ish të dashurve të këngëtares janë shndërruar edhe në armiq të përbetuar.

Ledri nuk e ka mohuar aspak faktin se Getoar Selimi dhe tradhtia e tij e kanë detyruar të heqë dorë nga muzika dhe grupi Baba Stars. Sa për Dafinën, Ledri ka pritur deri ditën e ditëlindjes së saj për ti dhënë lajmin e ndarjes. Duke vepruar kështu, Ledri duket se ka dashur të hakmerret edhe ndaj të gjitha të këqijave që i erdhën nga lidhja me një prej personazheve më të përfolur të show bizit Dafina Zeqiri.

Gjithashtu, Ledri me mbështetjen e familjes së tij ka gjetur një rrugë tjetër artistike; nuk ka për të hequr dorë nga arti, sepse së shpejti thuhet se Ledri do ti hyjë studimeve për regjisurë. Megjithatë, të gjitha lajmet e kohëve të fundit, faqet e fansave në Facebook, tregojnë qartë se Ledri është ndër personazhet më të dashur e gjithashtu ndër rreperët me më shumë fansa që mezi presin kthimin e tij në muzikë.  Bluetooth

Dafina Zeqiri është e bija e Nebi Bajraktarit. Ajo mban mbiemrin e të ëmës, sepse ishte vetëm dy vjeç kur u largua prej tij. Ajo u largua me të ëmën dhe motrën drejt Suedisë, ndërsa i ati Nebiu ishte një i burgosur i policisë serbe.

Edhe pse ai ka bërë disa tentativa për ta takuar të bijën pas 22 vitesh, asnjëra nuk ka pasur rezultat. Në një intervistë të dhënë për suplementin “Panorama Plus”, ai i bën këtë thirrje Dafinës. “Kisha një lutje vetëm një orë të takohem me të dhe të bisedoj që t’ia tregoj të vërtetën.

Jam një baba që e dua shumë, sikur të ishte e mundur do bëja gjithçka që është e lejuar dhe e ndershme vetëm që ta dijë të vërtetën sikur e motra e saj, Besa”.

Me Besën, motrën e Dafinës, baba Nebiu është takuar pas 21 vitesh, kur ajo ishte flakur në rrugë nga e ëma. Sot ajo jeton në Suedi dhe mban kontakte me të atin.

I pyetur se si ndjehet për artikujt mbi jetën private të Dafinës, ai shprehet se preket shumë dhe ka dhembje në shpirt e zemër.

Ai pohon se është munduar të kontribuojë pozitivisht në lidhjen e saj me Ledri Vulën, duke takuar prindërit e këtij të fundit, por në të njëjtën kohë ndjehet i fyer që Dafina ishte larguar pa i kthyer përgjigje pyetjes së babait të Ledrit, e cila ishte: Pse nuk takohesh me babain tënd?

Dy nga vajzat më seksi dhe kokurentë të forta në muzikën që ato sjellin dhe tendencën që ato ndjekin vijnë sot në ballafaqimin me njëra tjetrën.

Eshtë Elvana Gjata dhe Dafina Zeqiri, ku nëse deri në dje konkuronin edhe si imazhe të kompanive të ndryshme, tashmë sikur në këto ditë të verës sfidojnë njëra-tjetrën edhe me veshje dhe zhveshje.

Vajzat nëpër koncerte të ndryshme shihen vetëm me “sotina”, madje të zeza për të qenë më seksi. Por ajo që duhet të themi se nëse Kosova ka një Dafinë, Shqipëria ka një Elvanë që e duan. /Maksim Gjokaj/Kosova Sot/

Ajo cilesohet si nje nga kengetaret me te bukura shqiptare, dhe nje nga te vecantat e saj eshte se ndryshon pamje here pas here.

Dhe kete here mesa duket ndarja me te dashurin e saj Ledrin nuk ka ndikuar aspak ne jeten profesionale ku ajo vazhdon te jete ne shume koncerte ane e mbane Shqiperise, por dhe jashte saj.

Këngëtarët shqiptarë, e kanë kthyer në domosdoshmëri pasjen e një faqeje në rrjete sociale, ku komunikojnë me fansat e tyre. Jo rrallëherë, janë ballafaquar me sulme hakerësh, që ua kanë mbyllur këto faqe. Pas disa këngëtareve me emër si Linda halimi, Bleona Qerreti, Kaltrina Selimi apo e fundit Dafina Zeqiri, kësaj here, hakerët duket se e kanë piketuar këngëtaren Adelina Tahiri.

Në profilin e saj në “Facebook”, Adelina ka publikuar një status, me këtë paralajmërim: “O Adelina, ne jemi disa hakerë nga Ferizaji. Ne jemi ata që të kemi komentuar dhe të kemi bërë dislike te fotot. Shumë shpejt, më së voni pasnesër, do e heqim videon nga të dy kanalet dhe çdo videoje të re nga ti, kështu do ia bëjmë”. Në këtë porosi sqarohet se kjo nuk është diçka personale , po kështu ia kanë “mësyrë” Adelinës, njëjtë sikurse edhe këngëtareve të tjera. Në fund të porosisë, grupi prezantohet si “Ferizaji hackers group”.

Pak ditë me parë, Adelina Tahiri publikoi videoklipin e këngës “Trilionere”, realizuar në bashkëpunim me Fiton Jusaj, por nuk e dimë se çfarë masash mund të marrë Adelina për të parandaluar këtë kërcënim të bërë nga hakerat.