Zëvendëskryeministrja e Republikës së Kosovës, Edita Tahiri, e cila sipas komunikatës së Qeverisë, është zëvendëskryeministre për politikë të jashtme dhe siguri nacionale, gjatë vizitës që po zhvillon në Kroaci në një vizitë zyrtare, të martën u prit nga presidenti kroat, Ivo Josipoviq.

“Zëvendëskryeministrja Edita Tahiri njohu presidentin Josipoviq me progresin e përgjithshëm të shtetit të Kosovës si dhe përparimet substanciale në integrimin evropian dhe euroatlantik të Kosovës. Ajo tha se Qeveria e Republikës së Kosovës është e përkushtuar për jetësimin e vizionit euroatlantik të Kosovës dhe po punojmë për ndërtimin e një shteti modern në interes të të gjithë qytetarëve duke siguruar se Kosova është një partner serioz në planin ndërkombëtar dhe rajonal.

Presidenti Josipoviq rikonfirmoi mbështetjen e fuqishme të shtetit kroat për pavarësinë, integritetin territorial dhe sovranitetin e Republikës së Kosovës si dhe premtoi mbështetje dhe këmbim përvojash në procesin e integrimit të Kosovës në Bashkimin Evropian dhe në NATO.

Në këtë takim u rikonfirmuan marrëdhëniet e shkëlqyeshme mes Kosovës dhe Kroacisë si dhe u shpreh gatishmëria e përbashkët për intensifikimin e bashkëpunimit në të gjitha fushat e interesit të ndërsjellë, me theks në fushën e diplomacisë, ekonomisë, energjetikës e bujqësisë.

Të dy bashkëbiseduesit u pajtuan se është interes strategjik i rajonit që sa më parë të ndodhë integrimi në strukturat euroatlantike i të gjitha shteteve të Evropës Juglindore. Po ashtu u vlerësua rëndësia e kultivimit të fqinjësisë së mirë dhe stabilitetit rajonal.

Në këtë takim, Presidenti kroat Josipoviq shprehu mirënjohje për kontributin e shqiptarëve për lirinë dhe pavarësinë e Kroacisë, ndërkaq zëvendëskryeministrja Tahiri vlerësoi se pakicat kroate dhe shqiptare kanë vlerë të veçantë në forcimin e marrëdhënieve mes dy vendeve”, thuhet në komunikatën e lëshuar nga Kryeministria e Kosovës.

Shpërndaje:

• 
• 
• 
• 
• 

• Printo
• Email

Deklarimet e shpeshta të diplomatëve dhe analistëve ndërkombëtarë se ka ardhur koha e dialogut për Veriun, nuk po u bëjnë përshtypje institucioneve të Kosovës. Ambasadori amerikan, Christopher Dell madje ka paralajmëruar se kjo temë mund të shtrohet për diskutim brenda këtij viti. Por Zëvendëskryeministrja Edita Tahiri thotë se çështja e Veriut as që ekziston.

Që nga viti 1999, Veriu ka marrë me dhjetëra jetë njerëzish.

Përveç kësaj, kjo pjesë e territorit që formalisht ndodhet brenda kufijve të Kosovës, ka qenë burim i vazhdueshëm i tensioneve të forta ndëretnike dhe përplasjeve direkte mes shqiptarëve dhe serbëve.

Hiq më lehtë atje nuk kanë kaluar as ndërkombëtarët, ushtarë e policë, të cilët po ashtu kanë pësuar nga dhuna.

Për të refuzuar çfarëdo autoriteti që ka tentuar të instalohet nga pjesa jugore e vendit, grupet të organizuara të serbëve nuk kanë hezituar të përdorin edhe granatat.

Aksioni i famshëm i 25 korrikut të vitit të kaluar vetëm sa e ka fuqizuar më shumë refuzimin serb ndaj Prishtinës.

Eskalimi i fundit përtej urës së Ibrit i kushtoi me jetë një shqiptari me banim te të ashtuquajturit Tre Rrokaqiejt e Mitrovicës si dhe la të lënduar edhe persona të tjerë.

Policia e Kosovës, e cila nisi hetimet për rastin, nuk përjashtoi mundësinë që sulmi të ketë motiv etnike.

E zhvillimet e fundit po ndodhin pikërisht në kohën kur janë shtuar deklaratat për dialog rreth Veriut.

Qeveria e Kosovës deri më tani publikisht nuk e ka pranuar se do të flasë me Beogradin për Veriun, ndërsa shpërthimin e fundit atje e ka cilësuar si akt terrorist.

Shkrimin e plotë mund ta lexoni në Express…

Shpërndaje:

• 
• 
• 
• 
• 

• Printo
• Email

Sikur Kosova të mos i pranonte marrëveshjet e arritura në Bruksel, do të zgjidhte izolimin ndërkombëtar. Kështu thotë në një intervistë dhënë për “Zërin”, kryenegociatorja kosovare në bisedimet me Serbinë, Edita Tahiri.

Edhe ajo e pranon se fusnota nuk është e pëlqyeshme as për Qeverinë e Kosovës, por sipas saj, ishte zgjidhja e vetme. Tahiri thotë se fusnota është pranuar si opsion kalimtar me premtimin e Brukselit, që do të punojë që 5 vendet e Bashkimit Evropian që ende nuk e kanë njohur shtetin e Kosovës, do ta bëjnë një gjë të tillë.

Ajo thotë se angazhimi i Qeverisë është zbatimi i plotë i marrëveshjeve të deritanishme.

Tahiri insiston që dialogu politik është kapitull i mbyllur, ndërsa porosit gjithë diplomatët që po kërkojnë dialog politik për veriun, se temat e tilla përfshijnë gjithë rajonin, dhe kjo nënkupton prekje të kufijve.

Arrestimi i policëve kosovarë nga autoritetet serbe, sipas saj, tregoi fytyrën joevropiane të Beogradit

Shpërndaje:

• 
• 
• 
• 
• 

• Printo
• Email

Kryenegociatorja e Kosovës në bisedime me Serbinë, Edita Tahiri ka dënuar sulmin e mbrëmshëm ndaj konvojit të delegacionit serb. Ajo ka sqaruar se delegacioni serb ka qenë pjesë e Grupit punues për kthimin e dokumenteve kadastrale.

Tahiri ka thënë se ka mënyra tjera për ta shprehur mllefin dhe pakënaqësinë.

“Ka mënyra shumë më demokratike për ta shprehur mllefin dhe pakënaqësinë”, ka thënë kryenegociatorja Tahiri.

Ndryshe, të mërkurën rreth orës 16:10, në Prishtinë, nga persona të dyshuar është sulmuar me gurë konvoji i një delegacioni të Republikës së Serbisë, i cili ishte nën përcjelljen e zyrtarëve të Policisë së Kosovës. Si pasojë e kësaj, dy veturat e delegacionit kanë pësuar dëme të vogla materiale duke iu thyer xhamat anësorë, ndërsa lëndime të personave nuk ka pasur.

Zyrtarët policorë kanë intervenuar menjëherë për ta parandaluar incidentin dhe kanë arritur të arrestojnë dy person si të dyshuar të mundshëm të përfshirë në këtë rast, por njëri nga ta, pas intervistimit, me autorizim të prokurorit është liruar.

Zyrtarëve të delegacionit iu është ofruar ndihma mjekësore, por ata kanë refuzuar ndihmën mjekësore me arsyetimin se nuk kanë pësuar asnjë lëndim dhe nuk kanë nevojë për ndihmë. Pas përfundimit të procedurave policore, delegacioni nën përcjelljen e Policisë së Kosovës ka vazhduar rrugën për në destinacionin e tij, thuhej në kumtesën e Policisë së Kosovës. (Telegrafi)

Shpërndaje:

• 
• 
• 
• 
• 

• Printo
• Email

Tahiri dhe Reichel kërkojnë shuarjen e strukturave paralele

Zëvendëskryeministrja e Qeverisë së Kosovës, Edita Tahiri ka pritur sot ambasadorin e Gjermanisë në Kosovë z. Ernest Reichel. Në këtë takim u vlerësuan marrëdhëniet e shkëlqyeshme bilaterale në mes të Republikës së Kosovës dhe Gjermanisë, poashtu u bisedua për situatën politike në vend dhe rrjedhat e zbatimit të marrëveshjeve të arritura në dialogun teknik.

Në këtë takim Zëvendëskryeministrja Tahiri edhe një herë kërkoi vazhdimin e mbështetjes së Gjermanisë për perspektiven euroatlantike të Kosovës dhe proceset e reformave në vend, ajo shtoi se Qeveria e Kosovës është e përkushtuar në përmbushjen e standardeve të kërkuara me qëllim të nënshkrimit sa më të shpejtë të marrëveshjes për stabilizim asocim dhe marrjen e liberalizimit të vizave.

Lidhur me situatën politike në vend, Zëvendëskryeministrja Tahiri tha se aktet e fundit të kryera nga Qeveria e Serbisë janë cenim i sovranitetit dhe integritetit territorial të Kosovës dhe në kundërshtim të plotë me vlerat dhe standardet evropiane për fqinjësi të mirë dhe paqe të qëndrueshme të mbarë rajonit. Tahiri tha se institucionet e Kosovës i janë përgjigjur me maturi shtetërore këtyre provokimeve të rënda të Serbisë dhe Kosova edhe një herë e dëshmoi se është një vend ku mbizotëron fryma evropiane.

Të dy bashkëbiseduesit u pajtuan se mosmbajtja e zgjedhjeve serbe në Kosovë dhe zhbërja e strukturave paralele janë domosdoshmëri dhe në përputhje me të drejtën ndërkombëtare të cilën Serbia patjetër se duhet ta respektoj.

Duke folur për zbatimin e marrëveshjeve të arritura në dialogun teknik, Zëvendëskryeministrja Tahiri tha se zbatimin e plotë të marrëveshjeve pala serbe është duke e prolonguar, kjo edhe për faktin se ende nuk e ka nënshkruar protokollin teknik për marrëveshjen e integruar të kufijve i cili ishte kusht i BE-së për marrjen e statusit të kandidatit.

Në anën tjetër ambasadori Reichel tha se shteti i tij është duke e përcjellë me vëmendje gjendjen politike në vend e sidomos zbatimin e marrëveshjeve të cilin e konsiderojnë kyç për proceset e mëtejme të stabilizimit të marrëdhënieve në mes të Kosovës dhe Serbisë dhe njëkohësisht për avancimin e të dyja vendeve drejtë BE-së. Ai tha se çmon lartë përkushtimin e Qeverisë së Kosovës për angazhim konstruktiv në këtë proces dhe se përkrahja e Gjermanisë për Kosovën do të jetë e vazhdueshme.

Shpërndaje:

• 
• 
• 
• 
• 

• Printo
• Email

PRISHTINË- Të rinjët serbë nga Kosova janë më mirë të informuar për dialogut mes qeverisë së Prishtinës dhe Beogradit, se një vit më parë. Këtë e tregojnë rezultatet paraprake të hulumtimit realizuar nga Qendra Rinore në Graçanicë, me përkrahje financiare të Fondit Ballkanik për Demokraci.

Sipas hulumtimit, në dallim nga viti i kaluar, kur tre të katërta e të anketuarve nuk dinin përgjigjet e pyetjeve themelore, si kush janë udhëheqësit e grupeve negociatore apo ku mbahen takimet, sot nuk ka pothuajse asnjë person që nuk ka informata elementare.

“Megjithatë, nga ana cilësore, shumica e pjesëmarrësve vlerësojnë se procesi i dialogut nuk është transparent sa duhet, se mediat informojnë vetëm për aspektet protokollare, dhe jo edhe për ato thelbësore, dhe se deklaratat kontradiktore të udhëheqësve të grupeve negociatore, Edita Tahiri dhe Borko Stefanović, shkaktojnë konfuzion dhe irritojnë publikun serb, por edhe atë shqiptar”, thuhet në një komunikatë të Qendrës Rinore në Graçanicë.

Graçanica është komunë e re me shumicë serbe, afër Prishtinës, e krijuar në procesin e decentralizimit në Kosovë, sipas Paketës Ahtisaari.
(el.me/BalkanWeb)

Burime të “Zërit” të afërta me Qeverinë e Kosovës, kanë thënë kryeministri Hashim Thaçi është duke menduar që ta “pensionojë” kryenegociatoren e deritashme, Edita Tahiri, dhe ta zëvendësojë me një person tjetër .

“Kryeministri po pretendon që ta shkarkojë Editën, e në vend të saj ta emërojë Enver Hoxhajn. E në Ministrinë e Jashtme do të vijë ministrja e Tregtisë dhe Industrisë, Mimoza Kusari-Lila, me çka AKR-ja do ta marrë edhe një ministri të re, përveç Ministrisë së Tregtisë dhe Industrisë të cilën gjithashtu do ta udhëheqë kjo parti”, ka thënë burimi i Zerit.

Shpërndaje:

• 
• 
• 
• 
• 

• Printo
• Email

Burime të “Zërit” të afërta me Qeverinë e Kosovës, kanë thënë kryeministri Hashim Thaçi është duke menduar që ta “pensionojë” kryenegociatoren e deritashme, Edita Tahiri, dhe ta zëvendësojë me një person tjetër .

“Kryeministri po pretendon që ta shkarkojë Editën, e në vend të saj ta emërojë Enver Hoxhajn. E në Ministrinë e Jashtme do të vijë ministrja e Tregtisë dhe Industrisë, Mimoza Kusari-Lila, me çka AKR-ja do ta marrë edhe një ministri të re, përveç Ministrisë së Tregtisë dhe Industrisë të cilën gjithashtu do ta udhëheqë kjo parti”, ka thënë burimi i Zerit.

Shpërndaje:

• 
• 
• 
• 
• 

• Printo
• Email

Zëvendëskryeministrja për çështje evropiane e Maqedonisë, Teuta Arifi ka thënë se çdo incident ndëretnik nuk duhet të minimizohet dhe të nënçmohen, duke shtuar se BDI-ja ka treguar angazhimin që këto incidente të mos keqpërdoren. Nga ana tjetër ministrja e Integrimeve të Kosovës, Vlora Çitaku ka thënë se është interes i Kosovës ruajtja e stabilitetit në Maqedoni, por jo që ai të bëhet mbi shtypjen e shqiptarëve. Këto komente të dy zyrtaret e larta i kanë bërë pas një takimi që kanë zhvilluar sot në Prishtinë.

Zëvendëskryeministrja Arifi, e pyetur për incidente e fundit në Maqedoni dhe mundësin e tërheqjes së partisë së saj nga koalicioni, ka thënë se këto incidente nuk duhet të minimizohen dhe të nënçmohen.

“Do doja të them që çdo lloj zhvillimi incidental, sa i përket marrëdhënieve ndëretnike flet edhe njëherë për fragjilitetin që ka çdo shoqëri multietnike, përfshi edhe shoqëria jonë atje dhe flet, edhe njëherë që këto raste nuk duhet të minimizohen dhe të nënçmohen. Për këtë arsye BDI dhe Qeveria kanë treguar angazhim maksimal institucional që të bëjnë punën e tyre, që këto raste mos të keqpërdoren për arsye të ndryshme”, ka thënë Arifi.

Po ashtu, ajo ka shtuar se marrëveshja e Ohrit është bazamenti kryesor që jep garanca për një shoqëri, jo vetëm harmonike, por që do të vazhdonte të ishte në vazhdimësi me vlerat euroatlantike.

E pyetur për reagimin e zbehët të Qeverisë së Kosovës dhe asaj shqiptare pas incidenteve në Maqedoni, Arifi ka thënë se si Qeveria e Kosovës edhe ajo shqiptare kanë bërë reagime gjithmonë tejet korrekte duke njohur realitetin rajonal.

“Qeveria e Kosovës dhe ajo shqiptare kanë bërë reagime gjithmonë tejet korrekte duke njohur realitetin rajonal dhe duke e njohur faktin shumë të rëndësishëm që shqiptarët në Maqedoni janë faktorë i rëndësishëm që di të bartë përgjegjësi për vete dhe për qytetarët në përgjithësi. Dëshiroj të vlerësoj gjithë reagimin dhe rolin konstruktiv që kanë treguar qeveritë në të dy krahët, nëse mund të them ashtu, dhe linjën apo inspirimin euroatlantik që kanë dhënë dhe seriozitetin që janë qasur dhe vazhdojnë t’i qasen cilado qoftë situate”, ka deklaruar ajo.

Nga ana tjetër, ministrja e Integrimeve të Kosovës, Vlora Çitaku ka thënë se Qeveri e Kosovës dhe gjithë institucionet e saj kanë qenë dhe janë në kontakt të vazhdueshëm me institucionet e Maqedonisë, sidomos me lidershipin shqiptar, duke i përcjell zhvillimet e fundit në qytete të ndryshme të Maqedonisë.

Ministrja ka theksuar se ruajtja e stabilitetit në Maqedoni është në interes të Kosovës, por siç ka thënë ajo ky stabilitet nuk duhet të kaloj përmes shtypjes së shqiptarëve.

“Ne jetojmë në epokën e ndërmarrësisë, ku zhvillimet kanë reflektime automatikisht në shtetin tjetër. Është interes i Kosovës ruajtja e stabilitetit në Maqedoni, por ky stabilitet nuk duhet të kalojë përmes shtypjes së shqiptarëve, por përmes implementimit të pikë përpikshëm të marrëveshjes së Ohrit, e cila përmban në vete vlerat dhe bazamentet e një marrëveshje evropiane”, ka thënë ministrja Çitaku.

Ndërsa duke folur për procesin e integrimit, ministrja Çitaku ka thënë se procesi i integrimit evropian është proces i përbashkët i tërë rajonit.

“Kosova dhe Maqedonia kanë një qëllim t ë përbashkët, ai është integrimi në strukturat e BE-së. Ne e kemi kuptuar këtë si një dinamikë të brendshme, si një proces përmes të cilit implementohen vlerat dhe standardet evropiane”, ka thënë ajo.

Zëvendëskryeministrja Arifi e cila po qëndron për vizitë në Kosovë ka takuar edhe kryenegociatoren e Kosovës, Edita Tahiri dhe pritet të zhvilloj një takim edhe me kryekuvendarin e Kosovës, Jakup Krasniqi. /kosovapress/

Shpërndaje:

• 
• 
• 
• 
• 

• Printo
• Email

PRISHTINË- Zëvendës kryeministrja e Kosovës, Edita Tahiri i bën thirrje Bashkimit Europian që të flasë në një zë kundër zgjedhjeve në Kosovë.

Zyra e kryeminsitrisë bën me dije se gjatë takimit që kryenegciatorja e Kosovës në bisedimet Prishtinë Beograd zhvilloi me ambasadorin e Suedisë për Kosovë, Lars Vahlund dhe të ngarkuarën me punë në Prishtinë, Ingrid Johanson u vlerësua se Bashkimi Evropian duhet të ketë një qasje strategjike për rajonin në funksion të forcimit të stabilitetit.

Po ashtu, u theksua se zbatimi i marrëveshjeve nga ana e Serbisë duhet të realiziohet me një presion të vendosur nga Bashkimi Evropian dhe Shtetet e Bashkuara.

Nga ana e tij ambasadori Vahlund ka deklaruar se Suedia mbështet zhvillimin europian të Kosovës dhe perspektivën e saj euroatlantike dhe se qeveria e tij angazhohet për paqe të përhershme në Ballkan.
(el.me/BalkanWeb)