PRISHTIN- Gjykata e qarkut Prishtin ka marr sot vendim pr t shpallur t pafajshm deputetin e PDK-s Fatmir Limaj bashk me tre t akuzuarit e tjer, ish-luftetare te UCK-s e shok t tij.

Vendimi sht marr sot rreth ors 11:00, duke ln t pafajshm, Nexhmi Krasniqin, Fatmir Limajn, Naser Krasniqin dhe Naser Shaln.

Ata shpallen t pafajshm pr t gjitha pikat e aktakuzs pr krime lufte t ngritura nga prokurori Mauricio Salustro.

Nj vendim i till ishte i pritshm pas rrzimit t dshmis s dshmitarit X, i cili u gjet i vetvrar n vitin 2011 n Gjermani. T katrt dyshoheshin pr krime lufte gjat vitit 1999 n Kosov.

Koh m par, trupi gjykues vendosi q gjasht t akuzuarit pr rastin “Kleka” t shpallen t pafajshm, ndrsa pr Limajn dhe tre bashklufttart e tij, u mor vendimi q shqyrtimi gjyqsor t vijoj.

Pas prfundimit t seancs s sotme gjyqsore Prokurori Maurizio Salustro ka paralajmruar se do t ankimoj vendimin e Gjykats s Prishtins.
(ma.ar/BalkanWeb)

Transplanti i organeve, Berisha:Ligj special pr hetimet

(E plotësuar) Kryeministri Hashim Thaçi e cilësoi si mungesë të ballafaqimit të argumenteve nga ana e opozitës, bojkotimin e fjalimit të tij, ndërsa nuk kurseu edhe akuza për Lëvizjen Vetëvendosje, duke thënë se zëvendëskryetari i kësaj partie ka zhvilluar takime me ministrat e kabinetit të presidentit serb, Boris Tadiq.

Kryeministri Thaçi ka thënë se ka pasur disa pyetje për dy partitë opozitare, por pasi që nuk janë prezent në sallë, do t’iu adresohet ndonjëherë tjetër.

Ai mungesën e opozitës e ka cilësuar si thikë pas shpine, pas gjithë asaj zhurme.

“Se sa kanë qenë të interesuar për debat shihet tash. Bojkoti ndaj këtij debati është thjesht një thikë pas shpine pas gjithë asaj zhurme politike që kanë bërë duke pretenduar për të terrorizuar qytetarët një terrorizim politik elektoral”, ka thënë Thaçi, siç transmeton Kosovapress.

Ai ka thënë se integriteti territorial është i pacenueshëm, duke shtuar se Kosova është një dhe e pandarë.

Pavarësia dhe sovraniteti i Kosovës janë të përhershëm, ka thënë Thaçi, duke shtuar se nuk e ka ndërmend të përdorë politikën e njëjtë të papërgjegjshme që përdor Serbia ndaj Kosovës.

Me gjithë mungesën e opozitës, kryeministri ka vazhduar fjalën e tij, duke thënë se opozita e ka lëshuar seancën pasi që nuk ka pasur argumente të ballafaqohet.

“Do të dëshiroja se ata që flasin për përdorimin e forcës nga opozita të jenë brenda, por pasi janë përcaktuar të qëndrojnë në korridore është çështje e tyre. Gjithashtu edhe për zhurmën dhe terrorin psikologjik që kanë bërë të ishin brenda të ballafaqohen me argumentet”, ka thënë Thaçi.

Shefi i qeverisë ka thënë se kidnapimi i dy policëve ka qenë veprim i dënueshëm nga të gjithë, ndërsa ka sqaruar se ky veprim cenues i Serbisë në raport me Kosovën është vazhdimësi e një politike të mentalitetit të Millosheviqit.

Thaçi ka thënë se ai që cenon territorin do të marrin përgjigjen e merituar.

Ai, duke folur për dokumentin e presidentit Ahtisari, ka thënë se edhe LDK-ja edhe AAK-ja e kanë pranuar këtë dokument. Ndërsa, për Lëvizjen Vetëvendosje ka adresuar një akuzë, që sipas tij, zëvendëskryetari i kësaj partie është takuar me ministrat e kabinetit të Boris Tadiqit.

“Le të tregon Vetëvendosja që zëvendëskryetari i Vetëvendosjes është takuar me ministrat e presidentit serb, Boris Tadiq. Takime gjysmë të fshehura dhe gjysmë të hapura”, ka theksuar ai.

Pas fjalimit të Thaçit, prezent në sallë kanë qenë vetëm 42 deputetë, gjë që është kërkuar nga kryetari i Kuvendit të mbyllet debati, edhe pse ishin në listë edhe 7 deputetë për të mbajtur fjalën.

Por, pas kësaj, ka marrë fjalën shefi i Grupit Parlamentar të PDK-së, Ademi Grabovci i cili e akuzoi opozitën për këtë bojkot të seancës dhe në fund kërkoi që të mbyllet debati.

Edhe pse ishte e planifikuar që në fund të seancës të nxirren disa rekomandime, një gjë e tillë nuk ndodhi, pasi që nuk pati kuorum.

Opozita e braktis seancën, injoron fjalimin e Thaçit

Deputetët e opozitës e kanë braktisur seancën e Kuvendit të Kosovës, menjëherë pas nisjes së fjalimit të kryeministrit Hashim Thaçi. Kryeministri i vendit, Hashim Thaçi kur ka dashur t’iu drejtohet deputetëve të Kuvendit të Kosovës, asnjë nga deputetët e partive opozitare nuk ka dashur të qëndrojë në sallë dhe të dëgjojë fjalimin e tij.

Kryeministri Thaçi ka thënë se ka pasur disa pyetjet për dy partitë opozitare, por pasi që nuk janë prezent në sallë do të ju adresoj ndonjëherë tjetër.

“Integriteti territorial është i pandashëm. Ne do të ndërtojmë Kosovën tonë demokratike, ndërsa veriun do ta zgjidhim vetë. Natyrisht se kisha disa pyetje të grupeve parlamentare të opozitës por ato pyetje do t’i ruaj. Dhuna është e papranueshme dhe e dënueshme për të gjithë”, ka thënë Thaçi.

Ai ka siguruar deputetët dhe gjithë qytetarët se pavarësia dhe integriteti i Kosovës është i përjetshëm.

Ai ka thënë se disa nuk mund të flasin për vizitën në SHBA, pasi që nuk mund të hyjnë fare në Shtetet e Bashkuara të Amerikës.

Debat i ashpër për Veriun

Ligjvënësit nuk kanë kursyer kritikat për Qeverinë e Republikës së Kosovës që nuk po bënë asgjë për integrimin e veriut të vendit. Gjithashtu kanë thënë se nga ardhja e kësaj qeverie, nga viti 2008, gjendja për shqiptarët në atë pjesë vetëm, vetëm se pakësuar. Gjatë këtij debati nuk kanë munguar as akuzat ndërmjet deputetëve dhe kabinetit qeveritar.

Kuvendi i Kosovës po mban seancë të jashtëzakonshme e thirrur nga Grupi Parlamentar i PDK-së, me mbledhjen e 46 nënshkrimeve të deputetëve, ku po diskutohet për gjendjen e veriut.

Shefi i Grupit Parlamentar të PDK-së, Adem Grabovci ka thënë se situata në veri të vendit tani e 13 vite ka qenë e rënduar. Sipas tij sulmi kriminal mbi familjen Haradinaj është një goditje ndaj shtetit të Kosovës.

Ai ka kërkuar që sot të debatohet për hapat e mëtutjeshëm të institucioneve të Republikës së Kosovës dhe mekanizmave të sigurisë që gjendja në veri të futet nën kontroll për të siguruar qytetarët tanë pa dallim.

Grabovci ka thënë se pas debatit në bashkëpunim me shefat e grupeve, do të harmonizohet teksti me rekomandime që do të adresohen me votim.

Më pas ka folur për situatën ministri i Punëve të Brendshme, Bajram Rexhepi, i cili ka thënë se situata e përgjithshme e sigurisë vlerësohet e qetë, me përjashtim të veriut, ku situata mbetet e tensionuar nga aspekti politik dhe i sigurisë.

Ai ka thënë se tensionimi i situatës si rezultat i veprimit të grupeve kriminale serbe, gjendja po mbahet nën kontroll të institucioneve përgjegjësive të sigurisë, Policisë së Kosovës, EULEX-it dhe KFOR-it.

Ministri Rexhepi ka shtuar se padyshim se përgjegjës i drejtpërdrejt për tensionimin e fundit janë institucionet e Serbisë, të cilat janë kapluar nga ethet zgjedhore, po dëshmon orientimin dhe agresivitetin përmes veprimeve joligjore dhe politike si kidnapimi i dy zyrtarëve policorë, arrestimi i 4 qytetarëve, të nxitura nga ministri i Brendshëm i Serbisë, i cili me fanatizëm po tregohet trashëgimtar i Millosheviqit.

Ai ka njoftuar se me datën 8 prill 2012, në ora 1 e 21 minuta, në Qendrën Policore komunikuese rajonale është pranuar informata se në lagjen “Tre Rrokaqiejt” është dëgjuar një shpërthim dhe kanë arritur informata edhe nga burime tjera që kanë raportuar për të njëjtin shpërthim.

Në atë lokacion ka arritur shumë shpejt një njësi policore, të cilët kanë raportuar se ka ndodhur një shpërthim. Ndërsa më vonë si pasojë e këtij shpërthimi, në vend të ngjarjes ka mbetur i vdekur kryefamiljari Selver Haradinaj.

Gjithashtu ai ka thënë se pas këtij rasti, është vendosur kabina për nevoja të zyrtarëve policor, e cila ishte statike në atë lokacion. Por më vonë është marr informacioni se në pjesën veriore është lëshuar sirena që shfrytëzohet për të mbledhur grupet kriminale, e të cilët kanë shkuar në lagjen “Tre Rrokaqiejt” dhe kanë filluar demolimin e atij kontenjeri.

Rexhepi ka thënë se rasti i vrasjes së Haradinaj është kualifikuar si akt terrorist dhe është duke u hetuar nga njësiti antiterrorist.

Ministri ka thënë se në rast të cenimit të sigurisë së qytetarëve, mungon intervenimi i KFOR-it dhe EULEX-it, atëherë Policia e Kosovës do të veprojë.

“Policia e Kosovës ka kapacitete operative dhe autorizime policore për të mbrojtur me të gjitha mjetet qytetarët që jetojnë në pjesën veriore. Në rast se cenohet siguria e qytetarëve tanë dhe nuk ka reagim të duhur nga KFOR-i dhe EULEX-i ne nuk hezitojmë të veprojmë”, ka thënë Rexhepi.

Nga ana tjetër shefi i Grupit Parlamentar të LDK-së, Ismet Beqiri fillimisht ka ngushëlluar familjen e Selver Haradinajt.

Ai ka thënë se gjendja në veri vazhdon të jetë e rëndë dhe përkeqësohet edhe më tej dhe Qeveria e Kosovës nuk po e kryen punën ashtu siç e obligon Kushtetuta e Kosovës.

“Qeveria e Kosovës obligimet kushtetuese i ka të përcaktuara qartë, por rezultatet mungojnë. Nuk janë qytetarët ata që duhet ta mbrojnë veten dhe familjet e tyre. Ky është obligim i institucioneve tona të sigurisë. Kjo nuk bëhet me 2 policë dhe një kontenjer. Në raste të tilla vetëm mund t’i viktimizojmë edhe policët tanë. Thirrje edhe faktorit ndërkombëtar që të jetë më veprues”, ka thënë Beqiri.

Ndërkaq shefi i Grupit Parlamentar të Lëvizjes Vetëvendosje, Visar Ymeri ka thënë se në një situatë të jashtëzakonshme veprimi bëhet urgjent. Sipas tij paraqitësit e kësaj kërkesë, nuk e paskan gjendjen në urgjencë, që i bie që ajo është e zakonshme.

“Qe vrasjet dhe dëbimet janë të zakonshme, kështu është sjellur edhe ekzekutivi. Në kohën kur strukturat dëbonin shqiptarët, kryeministri mbante ligjërata në SHBA. Asnjëherë nuk u mendua që të kthehet në vendin që e ka uzurpuar dhe të mbajë përgjegjësinë. Edhe ky e sheh vrasjen dhe dëbimin si diçka të zakonshme. A e ka ditur kryeministri se një gjë e tillë duhet të ndodhte”, ka deklaruar Hoxhaj.

Nga ana tjetër, shefi i Grupit Parlamentar të AAK-së, Ardian Gjini ka kritikuar fillimisht ministrin e Punëve të Brendshme që po e lexon raportin e policisë.

Sipas tij ministri nuk e ka një ide se nuk ia kërkon as shefi i vet, duke shtuar se kultura e punës së Qeverisë është e tillë, që krejt energjitë i shfrytëzon me e kamufluar problemin.

“Qeveria ka dështuar totalisht, jo vetëm me provuar me plan, por edhe me gjeneru ide normale me zgjidh problemin në mënyrë normale. Sot gjendja në veri është më keq se para 4 vjetëve. Asnjë element i jetës, jo vetëm për shqiptarët, por as për serbët nuk është më i mirë atje. Siguria është më e keqe, sundimi i ligjit ka degraduar, veriu është edhe më pak i integruar se që ka qenë në vitin 2008. Atje ka edhe më pak shqiptarë, në veri të Kosovës ka edhe më pak shqiptarë se që ka pas në vitin 2008″, ka thënë Gjini.

Madje ai ka dhënë edhe një ide për këtë qeveri, duke thënë se duhet me ia nis me i mbledh letrat dhe plaçkat me i lëshuar rrugë Kosovës.

Më pas ka marr fjalën zëvendëskryeministri, Hajredin Kuçi, cili ka thënë se kupton këtë debat si pjesë e politikës së bashkuar, që duhet ta ketë në gjithë në Kosovën, duke shtuar se nuk është objektiv i garës politike.

Kuçi ka thënë se nuk është shumë për momentin të jepen vlerësim e se kush e ka fajin, para 2 viteve, apo 5 viteve, ose tani.

Zëvendëskryeministri ka thënë se nuk shmanget Qeveria e Kosovës nga përgjegjësia që e ka. Por sipas tij edhe në 2008 ka pasur enklava dhe është fituar qasja dhe tani ato enklava nuk ekzistojnë.

Ai ka shtuar se çështja që duhet të diskutohet janë KFOR-i dhe EULEX-i, në krijimin e ambientit të sigurt, pasi që ata e kanë primatin në atë pjesë. Gjithashtu ai ka shtuar se do të merren veprime në koordinim për të mos frikësuar qytetarët në atë pjesë.

Për më tepër ai ka premtuar se kriminelët do të bëhen para drejtësisë, por një ditë ata do të vihen para drejtësisë.

Më pas ka replikuar deputeti Gjini, i cili ka thënë se kjo Qeveri ka ardhur në pushtet dhe pas katër viteve i identifikon problemet.

“4 vjet pasi kanë ardhur në pushtet kanë nis me i identifikuar problemet. Në gazetë i lexojnë këto që po i folni. Po akuzohet Beogradi por Kosova duket shumë më keq sa i përket korrupsionit. Kuçi ka problem me amnezinë, të enjten thirri me i qu forcat policore në veri, e sot po thotë s’bon me u frikësuar njerëzit”, ka thënë Gjini.

Më pas ka ardhur reagimi i zëvendëskryeministri Kuçi, duke i thënë se edhe ai dinë të flet me fjalorin e rrugës. Ndërsa i ka thënë Gjini pse nuk e ka kryer këtë punë kur ka qenë ai në Qeveri.

“Nëse po flas si në Kuvend unë di të flas edhe në rrugë. Memorien e kam bukur të zhvilluar dhe mund të masim edhe testin e inteligjencës. Pse s’e kryjshe veriun sa ke qenë në qeveri, qysh i ke kry do punë tjera. Logjikën e dikujt me i frikësuar qytetarët nuk duhet ta përdorim”, ka thënë Kuçi.

Më pas ka vazhduar debati me diskutimet e ministrave të kabinetit qeveritar dhe të deputetëve. /Kosovapress/

Shpërndaje:

• 
• 
• 
• 
• 

• Printo
• Email

PRISHTINË- Kuvendi i Kosovës pritet të mbaje sot ne orën 14:00 një seancë të jashtëzakonshme për të debatuar lidhur me gjendjen në veri të Kosovës.

Mediat kosovare bëjnë me dije se seanca e jashtëzakonshme thirret pas kërkesës së nënshkruar nga 46 deputetë të Grupit Parlamentar i PDK-së dhe deputetë të tjerë nga radhët e koalicionit qeverisës.

Ka mbetur që kërkesa për seancë të jashtëzakonshme të deponohet në Zyrën për parashtresa të Kuvendit, në mënyrë që ajo të quhet e ligjshme, shprehet kryetari i kuvendit Jakup Krasniqi. Ndërkohë dy seanca të tjera do të zhvillohen të enjten dhe të premten ku mes te tjerash do të diskutohet për Strategjine dhe Planin e veprimit kundër korrupsionit.
(el.me/BalkanWeb)

Këtë javë pritet të ketë disa seanca të Kuvendit të Kosovës, kushtu për nesër, kërkesën e Grupit Parlamentar të Partisë Demokratike të Kosovës, pritet të mbahet seanca e jashtëzakonshme, gjatë së cilës do të diskutohet për zhvillimet në pjesën veriore të Kosovës, ndërsa seancë të rregullt të punës do të ketë edhe ditën e enjte dhe të premte.

Pas mbledhjes së kryesisë së Kuvendit të Kosovës, kryetari i Kuvendit, Jakup Krasniqi, në një konferencë për media ka njoftuar për mbajtjen e seancës së jashtëzakonshme, që ka ardhur si kërkesë e Grupit Parlamentar të PDK-së.

“Në këtë javë kemi plotë seanca. Nesër do të jetë një seancë e thirrur e Grupit Partisë Demokratike me nënshkrimin e 46 deputetëve për seancë të jashtëzakonshme për zhvillimet në pjesën veriore të Kosovës. Të enjten dhe të premten kemi dy seanca njërën pas tjetrës, dy seanca të punës dhe kështu po e përmbyllim këtë javë me tri seanca”, ka theksuar Krasniqi, siç transmeton Kosovapress.

Javën e kaluar Lëvizja Vetëvendosje pati kërkuar mbajtjen e një seance të jashtëzakonshme, por që nuk kishte arritur të mbledhte më shumë se 20 nënshkrime të deputetëve.

Thirrjen për seancë të jashtëzakonshme nga Grupi Parlamentar i PDK-së, opozita e ka quajtur si absurde dhe të panevojshme, pasi që konsiderojnë se kryeministri i vendit, Hashim Thaçi që është edhe lider i PDK-së, në bazë të Kushtetutës së Kosovës mund të thërret seancë të jashtëzakonshme.

Shpërndaje:

• 
• 
• 
• 
• 

• Printo
• Email

Pas një viti në krye të shtetit, Atifete Jahjaga ka nxitur ndjenja të përziera në skenën politike. Zyrtarë të PDK’së, LDK’së dhe AAK’së shprehen pozitivisht për të, duke thënë se ajo ka arritur ta përmbushë rolin që i është dhënë. Por, Lëvizja Vetëvendosje konsideron se Presidentja aktuale nuk duhet ta marrë edhe një mandat të ri, pasi është figurë jounifikuese dhe e dobët politikisht.

Pikërisht një vit më parë, Atifete Jahjaga kishte hyrë e qetë në sallën e Parlamentit të Kosovës për t’u zgjedhur në krye të shtetit.

Derisa testin në Parlament e kishte kaluar pa ndonjë pengesë, për shkak të marrëveshjes politike mes Hashim Thaçit, Isa Mustafës e Behgjet Pacollit, të ndërmjetësuar nga ambasadori amerikan Christopher Dell, Jahjaga po i hynte një rruge të re në karrierën e saj dhe me shumë të panjohura për të.

Ajo çfarë ka rënë në sy më së shumti nga numri një i shtetit deri më tani janë udhëtimet që ka pasur, e të cilat nuk kanë sjellë ndonjë dobi të madhe për vendin, daljet e saj nëpër evenimente të ndryshme, ku ka lexuar fjalime si dhe mbyllja hermetike ndaj pyetjeve të gazetarëve.

Por, cilat janë vlerësimet e analistëve dhe të politikanëve për Jahjagën në krye të shtetit?

Analisti Shkëlzen Maliqi ka thënë se Jahjaga ka arritur të krijojë një profil, të cilin ai e quan të pranueshëm për opinion, sidomos atë ndërkombëtar.

“Si politikane e re, që nuk ka pasur gati kurrfarë përvoje, shumë shpejt ka krijuar një profil të pranueshëm dhe i ka shërbyer Kosovës më shumë në kontaktet me botën. Mendoj që ajo e ka kaluar atë test”, ka thënë Maliqi të premten për Express.

“E di që ka pasur shumë kritika, sidomos në fillim. Por, mendoj që e ka përmirësuar shumë imazhin e Kosovës”, ka shtuar ai.

(Shkrimin e plotë mund ta lexoni në gazetën Express)

Shpërndaje:

• 
• 
• 
• 
• 

• Printo
• Email

Mos mbajtja e takimit të paralajmëruar të kryeministrit të vendit, Hashim Thaçi me presidentin e Shteteve të Bashkuara të Amerikës, Barak Obama nuk ka kaluar pa u komentuar as në ambientet e Kuvendit të Kosovës. Përderisa zyrtarët e Partisë Demokratike të Kosovës (PDK) thonë se takimi ka qenë i planifikuar, nëse e lejonte agjenda e presidentit Obama, zyrtarët e Lidhjes Demokratike të Kosovës (LDK), thonë se kjo vizitë është munduar të shfrytëzohet për marketing politik dhe se është gabim i rënë pretendimi për të fituar kapitale politike edhe në situata të këtilla.

Kryeministri i vendit, Hashim Thaçi, i cili po qëndron për një vizitë në SHBA, ka zhvilluar një seri takimesh, si me sekretaren e shtetit, Hillary Clinton dhe zëvendës presidentin amerikan, Joe Biden. Gjithashtu, një takim është zhvilluar edhe me ish-sekretaren e shtetit Medelin Allbright.

Shefi i Grupit Parlamentar të PDK-së, Adem Grabovci, i pyetur se a ka qenë zyrtarisht i paraparë takimi me presidentin Obama, ai ka thënë se ka qenë i paraparë nëse e lejonte agjenda e presidentit amerikanë.

“Vizita e kryeministrit Thaçi në Shtetet e Bashkuara të Amerikës besoj që e gëzonë çdo qytetar. Ka pas vizita më të larta të niveleve shtetërore. Për shkak të agjendës së Obamës dhe nuk ka qenë e definuar saktësisht se a do të ketë takim apo jo. Por nëse agjenda e presidentit Obama lejon atëherë do të ketë takim edhe me presidentin Obama”, ka deklaruar Grabovci.

Nga ana tjetër, deputeti i Lidhjes Demokratike të Kosovës, Arben Gashi ka thënë se PDK-ja është munduar që ta shfrytëzojnë këtë vizitë për marketing politik. Gjithashtu e ka vlerësuar si humbje mos mbajtjen e këtij takimi.

“Nuk mundem me komentuar… Janë munduar me bë marketing me vizitën. Vizita në SHBA është gjithmonë e rëndësishme e cilitdo përfaqësues edhe në këtë rast kryeministrit Thaçi dhe më vjen keq që nuk ka mundur me takuar Obamën dhe është një humbej që nuk ka mundur dhe nuk duhet me kapitalizuar për politikë të brendshme vizitën në Amerikë. Vizita në Amerikë është në vazhdën e raporteve të mira që Kosova dhe përfaqësuesit e Kosovës kanë me SHBA-të”, ka thënë deputeti Gashi.

Kryeministri i Kosovës, Hashim Thaçi po qëndron për vizitë disa ditëshe në Shtetet e Bashkuara të Amerikës, së bashku me ministrin e Punëve të Jashtme, Enver Hoxhaj dhe ministren e Integrimeve Evropiane, Vlora Çitakun. (Kosovapress)

Shpërndaje:

• 
• 
• 
• 
• 

• Printo
• Email

(E plotësuar) Ka vazhduar punimet seanca e Kuvendit të Kosovës, pasi që është arritur marrëveshja në takimin e dytë mes kryetarit të kuvendit, Jakup Krasniqi, nënkryetarëve dhe shefave të grupeve parlamentare, ku prezent ishte edhe zëvendës ambasadori amerikan në Kosovë, Michael Murphy.

Seanca ka vazhduar me heqjen nga rendi i ditës të projektligjit për bankat dhe institucionet mikrofinanciare deri në arritjen e një marrëveshje mes grupeve parlamentare, ndërsa në rend të ditës është futur shqyrtimi i dy projektligjeve në lexim të parë, ai për ndërmarrjet publike dhe për ndërtimet.

Ismet Beqiri, shef i Grupit Parlamentar të LDK-së,i ka thënë se është pranuar kërkesa e LDK-së që të hiqet nga rendi i ditës projektligji për bankat dhe institucionet financiare dhe vazhdimi i seancës të bëhet me shqyrtimin e dy projektligjeve sipas rendit të ditës.

Opozita sërish bllokon punën në Kuvend

Seance plenare ka filluar të enjten punimet me pjesëmarrjen e opozitës, por sërish është dashur të ndërpritet, pasi që opozita nuk ka lejuar të vazhdojnë punimet e seancës, përderisa nuk hiqet nga rendi i ditës Ligji për bankat dhe institucionet mikrofinanciare. Kjo ka bërë që kryetari i kuvendit, Jakup Krasniqi të thërret në një takim shefat e grupeve parlamentare, për të gjetur një zgjidhje.

Me fillimin e seancës deputeti nga radhët e PDK-së, Zenun Pajaziti ka kërkuar që në rend të ditës të futet Projektligji për ndërmarrjet publike. Gjithashtu edhe deputeti, Nait Hasani kërkuar të futet në rend të ditës Projektligji për ndërtim.

Por me këtë nuk është pajtuar opozita, duke thënë se po që se nuk hiqet nga rendi i ditës Projektligji për bankat dhe institucionet mikrofginanciare atëherë seancën do të bojkotojnë.

Shefi i Grupit Parlamnetar të LDK-së, Ismet Beqiri ka thënë se ka qenë kusht heqja nga rend i ditës Projektligji për bankat dhe institucionet fiinanciare.

“Ju e dini që ne e kemi bërë një kërkesë si grupe parlamentare dhe kërkojmë të deklarohemi për Ligjin për bankat që ka qenë kusht për të qenë këtë. Nëse shkoni me këtë renditje ne na detyroni ta lëshojmë sallën përsëri”, ka theksuar Beqiri.

Ka ndërhyrë shefi i Grupit Parlamentar të PDK-së, Adem Grabovci i cili ka propozuar që të ndryshohet rendi i ditës dhe për shqyrtimin e Projektligjit për bankat të mbahet një seancë nesër.

Por nuk është pajtuar sërish Beqiri, i cili ka thënë se futja e dy projektligjeve është shkelje e projektligjeve, duke thënë lëreni këto lojra.

Edhe shefi i Grupit Parlamentar të Lëvizjes Vetëvendosje, Visar Ymeri ka thënë se këtu është bërë si një lloj fontan dëshirash me futjen e ligjeve.

“Kundërshtimi ynë ka qenë edhe mënyra, por edhe natyra e ligjit. Shtimi për një ditë i ligjit, këtu është bërë si lloj fontanë dëshirash. Nuk mendoj që është as në frymën as në rregullat”, ka thnëë Ymeri.

Sipas tij Ligji për ndërtim, është në vijë me atë për bankat dhe institucionet mikrofinanciare. Duke kërcënuar me lëshim të sallës.

Edhe shefi i Grupit Parlamentar të AAK-së, Ardian Gjini ka thënë se radha ka qenë të zgjidhet problemi, që pozita të propozon heqjen nga rendi i ditës Ligji për banka dhe atëherë të propozohen tema të tjera.

Ndërsa shefja e Grupit Parlamentar të Koalicionit për Kosovës të Re, Myzejene Selmani, ka thënë se kërkesa për futjen në rend dite të Projektligjit për ndërmarrjet publike, që është pjesë e pakos së Ahtisarit, duhet të pësoj ndryshime.

Pas kësaj kryetari i Kuvendit të Kosovës, Jakup Krasniqi i detyruar ka thirrur një pauzë 20 minutëshe, ndërsa tash ai është duke mbajtur një takim me shefat e grupeve parlamentare për të gjetur një zgjidhje./kosovapress/

Shpërndaje:

• 
• 
• 
• 
• 

• Printo
• Email

Kur Nait Hasani kishte dalë kundër emërimit të Nazmi Mustafit – anëtar i Këshillit të Drejtues të Institutit Gjyqësor të Kosovës, me arsyetimin se ishte bashkëpunëtor i regjimit të Miloshevicit, ky prokuror ishte ankuar se i është dëmtuar karriera në rrugën e tij për t’u bërë ambasador i Kosovës në Beograd.

Si rezultat i refuzimit të deputetit të PDK-së, Hasani, më 22 janar 2009, Nazmi Mustafi kishte marrë vetëm 13 vota pro emërimit në Këshillin drejtues të IGJK. 62 deputetë ishin deklaruar kundër dhe dy kishin abstenuar. Ai nuk kishte kaluar, shkruan “Koha Ditore”.

Këto argumente të këtij deputeti kishin bërë që prokurori boshnjak, Nazmi Mustafi, ta ndiente të dëmtuar veten. Ia kishte thënë në sy Hasanit pretendimet që kishte në karrierën e tij.

“Kam pas një takim me të (Nazmi Mustafi v.j.) në hollin e Kuvendit, me ç’rast më ka thënë se ka pas ambicie të bëhej ambasador i Kosovës në Beograd. Njëkohësisht e ka pranuar se ka punuar për sistemin e Miloshevicit dhe se është i gatshëm që të punojë prapë për të njëjtin sistem nëse ai vjen në Kosovë”, kishte thënë Hasani në një seancë të Kuvendit të Kosovës.

Tre vjet më vonë, karriera e prokurorit special mund të përfundojë këtu për shkak të dyshimeve se gjatë punës së tij ka marrë ryshfet në këmbim të mosakuzimit të disa të dyshuarve për korrupsion.

Ai ka gjasa të mos jetë më as prokuror sikurse as ambasador në shtetin serb që po refuzon kategorikisht ta njohë pavarësinë e Kosovës me pretendime territoriale. Prej së hënës ndodhet në paraburgim, brenda të cilit Mustafi ka dërguar shumë njerëz të cilët më vonë ishin liruar nga akuzat.

Rrezikon që nëse gjenden prova të bollshme të dënohet me burgim mbi 10 vjet.

Të hënën, është arrestuar edhe Reshat Zherka nga Gjakova që dyshohet se ka ndërmjetësuar në mes të Mustafit dhe të dyshuarve për marrje të ryshfetit. Ndërkaq të martën në mëngjes është arrestuar i kërkuari i tretë, Xhelal Zherka. Gjykata e Qarkut në Pejë ia ka caktuar Mustafit 30 ditë paraburgim me kërkesë të prokurorit, derisa Reshat Zherkës, 15 ditë.

Shpërndaje:

• 
• 
• 
• 
• 

• Printo
• Email

Aleanca Kosova e Re, propozoi sot Ramadan Hasanin, kandidat për kreun e Komunës së Ferizajt në zgjedhjet që mbahen më 29 prill në Ferizaj.

AKR, në zgjedhjet e 29 prillit për kryetar të Komunës së Ferizajt, garon me Ramadan Hasanin, aktualisht zëvendësministër në Ministrinë për Zhvillim Ekonomik. Këtë e bëri të ditur, Vegim Gashi nga AKR:“Në pajtim me të gjitha strukturat e AKR-së , të presidentit, të degës në Ferizaj, të kryesisë qendrore të AKR-së , sot po e shpallim kandidaturën e Ramadan Hasanit- kryetar i degës në Ferizaj dhe zëvendësministër në Ministrin për Zhvillim Ekonomik”, raporton RTK.

Kandidati për të parin e Ferizajt, Ramadan Hasani, thotë se nëse do të jetë fitues do të ndërrojë disa nga udhëheqësit e drejtorateve komunale, në mënyrë që qytetarët të marrin shërbime më cilësore.

“Nëse e fitoj mandatin do të kemi më shumë drejtori se që kemi pasur deri më tani, do të shtohet numri i tyre, normalisht që Naim Ferati nuk do të jetë më, sepse është shkarkuar. Sigurisht që nuk mund të jetë ajo qeversije që ka qenë deri më tani, sepse, edhe në mesin e tyre mund të ketë ndonjë më të mirë se që ka qenë deri më tani”, tha Hasani.

Në zgjedhjet e fundit lokale ,AKR ka bashkëqeverisur me PDK-në në Komunën e Ferizajt.

Shpërndaje:

• 
• 
• 
• 
• 

• Printo
• Email

Aktivisti shumëvjeçar i PDK-së, Bashkim Fazliu – Migjeni, ka dhënë dorëheqje të parevokueshme nga të gjitha funksionet dhe anëtarësia e PDK-së. Këtë vendim, ka thënë ta ketë bërë për të mbrojtur nderin dhe dinjitetin e tij, i zhgënjyer nga rrjedhat e fundit në parti dhe nga akumulim i gjatë i zhvillimeve jo-demokratike brenda përbrenda PDK-së.

“Mua më vjen keq të konstatoj kësisoj, pasi ka vite e vite që kam kontribuar në këtë subjekt, duke mos pasur kurrfarë interesash personale, pos atyre të përçimit të interesave të qytetarëve të Kosovës. Kontributi im ka qenë i vazhdueshëm qoftë në aspektet organizative, mobilizuese, financiare e po ashtu edhe në krijimin e një kulture demokratike të debatit të brendshëm, duke e hapur PDK-në sidomos në Ferizaj”, thuhet tekstin e dorëheqjes së tij. Ai ka shtuar se ende ka dinozaurë apo fosile të politikës, të tipit Adem Salihaj edhe në PDK-Ferizaj dhe më gjerë, njerëz të stilit dhe kohës së njëjtë, të mësuar me lojëra të pista dhe pa kurrfarë burrnie, që shkelin mbi çdo vlerë demokratike me qëllim të vetmin tendermaninë dhe uzurpimin e hapësirave publike, ku korrupsioni ka arritur kulmin e tij, atëherë çdo vazhdimësi e tij në këtë grupim politik me këtë strukturë, do ta bënte edhe ate bashkëfajtor nëse do të heshte dhe të mos vepronte.

“E keqja e Kosovës, e skenës politike kosovare është PARA-POLITIKA, një frazë aq shumë e përmendur nga Hashim Thaçi Co., sa ishim në opozitë dhe e zbatuar dhe e përkrahur aq shumë nga po ky, Hashim Thaçi Co., tash që jemi në pozitë. Pra, më vjen keq që arrita vonë të zbuloja se pas çfarë njerëzish kam vrapuar, duke besuar në vlerat demokratike, e sidomos në vlerat e luftës, të cilat i kanë shkelur me të dyja këmbët! Si ka fytyrë të del para bashkëluftëtarëve dhe të gënjen haptazi, duke mos bërë asgjë për ta, duke lënë që bashkëluftëtarët të jetojnë në mizerie e deri tek vetëvrasjet, pa e zgjidhur statusin e Veteranit të UÇK-së. Sigurisht, nuk është prioritet dhe nuk do të jetë kurrë as 13 vite pas luftës, pasi Hashim Thaçi Co, ka prioritete tjera, fatkeqësisht, në dëm të Kosovës, në dëm të së ardhmes së fëmijëve tanë!”, thuhet në tekstin dorëheqjes së Fazliut duke shtuar se i ka të freskëta kujtimet kur edhe në Ferizaj vendimet që përfshijnë kategorinë e luftës, të cilat janë bllokuar për mos-realizim nga establishmenti i PDK në Ferizaj dhe faktorët e PARA-POLITIKËS.

“Më vjen keq që PDK-ja, si pjesë e spektrit politik në Kosovë, definitivisht është duke u shndërruar në një parti diktatoriale dhe kjo nuk i bën nder qytetarëve të Kosovës dhe as demokracisë”, shkruan Fazliu duke shtuar se largim i tij nga PDK-ja nuk nënkupton edhe largimin nga politika dhe nga aktiviteti. “Unë do të vazhdoj t’i qëndroj besnik parimeve të demokracisë, të lirisë së fjalës dhe do të jem përherë zë i pandalshëm i luftimit të krimit dhe korrupsionit në shoqërinë tonë, pavarësisht prej kostos personale”, përfundon teksti i dorëheqjes së Fazliut.

Shpërndaje:

• 
• 
• 
• 
• 

• Printo
• Email