Dega e PDK-së në Ferizaj ka pritur ditën e fundit që të dalë me emrin e kandidatit të saj për zgjedhjet e jashtëzakonshme për kryetar të Ferizajt që pritet të mbahen më 29 prill.
Dega e PDK-së në Ferizaj ia ka dhënë besimin Agim Aliut për kandidat për kryetar të kësaj komune.
Shpërndaje:
Partia Demokratike e Kosovës (PDK), tashmë ka zyrtarizuar krijimin e Kabinetit të Qeverisjes së Mirë për Prishtinën, ndërsa sipas një burim brenda PDK-së, në krye të këtij kabineti do jetë ministri aktual i Bujqësisë, Blerand Stavileci.
Po sipas këtij burimi, për postin e të parit të këtij kabineti mund të ketë edhe propozime të tjera, por Stavileci është i pazëvendësueshëm.
Dega e PDK-së në Prishtinë e ka propozuar për këtë post edhe anëtarin e kësaj partie, Lirak Çelaj. Por, përkundër asaj se do ketë propozime të shumta, Blerand Stavileci është i sigurt që do ta marrë këtë post, ka thënë ky burim për Tribuna Shqiptare transmeton Telegrafi.
Shpërndaje:
Kryeparlamentari Jakup Krasniqi pas mbledhjes së kryesisë së Kuvendit të Kosovës, nuk dashur ti komentojë deklaratat e kryeministrit të vendit, Hashim Thaçi, rreth mundësisë së lëvizjes së kufijve dhe për atë që kryeministri ende nuk e ka takuar deputetin e PDK-së, Fatmir Limaj, pas lirimit nga arrestit shtëpiak, duke thënë se për këtë duhet të pyetet vet kryeministri.
Pas mbajtjes së mbledhjes së kryesisë së kuvendi të hënën, ipyetur rreth deklaratave të kryeministrit, Hashim Thaçi, që kufiri i Mollës së Kuqe dihet ku është, por për këtë duhet të marr vendim Kuvendi i Kosovës, Krasniqi nuk ka dashur ta komentojë këtë deklaratë. Pyetne kryeministrin… jo nuk kam koment, ka theksuar Krasniqi.
Ndërkohë me lirimin e deputetit, Fatmir Limaj nga arresti shtëpiak, menjëherë është zhvilluar një takim mes tij dhe kryekuvendarit Krasniqi. Por kabineti i kryeministrit ka sqaruar se nuk ka zhvilluar ende një takim kryeministri Thaçi me deputetin Limaj, pasi siç kanë thënë ata është shkelje e procedurave, ngase ende nuk është vendimi përfundimtar i gjykatës. Krasniqi nuk dëshiroi të komentojë rreth mungesës së takimit të këtyre dy zyrtarëve të lartë të partisë së tij, por ka thënë se gjykata ka liruar nga arresti shtëpiak dhe nuk ka asgjë të parregullt.
Shpallja datës së zgjedhjeve presidenciale është në dorën e kryetarit të Kuvendit dhe i pyetur për këtë se a do të shpall zgjedhjet këtë vit, Krasniqi është zotuar se do të respektojë Kushtetutën e vendit.
Ndryshe në mbledhjen e kryesisë të mbajtur sot është vendosur që seanca të mbahet më 29 mars, ku në rend të ditës do të jenë shqyrtimi i disa projektligjeve./Kosovapress/
Shpërndaje:
PRISHTINË- Kryeministri i Kosovës, Hashim Thaçi, në një intervistë për RTK e ka vlerësuar të drejtë vendimin e Gjykatës në Prishtinë për rastin Klecka.”Ka pasur padrejtësi vazhdimisht me ngritjen e aktakuzave ndaj luftëtarëve të UÇK -së e cila ka zhvilluar një luftë të drejtë. Pretendimi për të bërë baraspeshë mes luftës çlirimtare dhe genocidit është i padrejtë. Limaj edhe në Hagë e ka fituar betejën. Edhe ditë më parë, vendimi ishte i drejtë për Limajn dhe bashkëluftëtarët e tij dhe të mitë”,-ka thënë Kryeministri Thaçi.
Thaçi nuk është përgjigjur drejtpërdrejt nëse Limaj ka vend në qeveri, por ka thënë se Zv.kryeministri Hajredin Kuçi, i prezanton qëndrimet e qeverisë, i cili ka deklaruar se Fatmir Limaj e ka vendin në qeveri.
Edhe për ish Shefin e SHIK-ut, Kadri Veseli ka shprehur mirëseardhje në PDK. Thaci gjithashtu ka ripërsëritur se institucionet e vendit me as një kusht nuk do të lejojnë mbajtjen e zgjedhjeve të Serbisë në Kosovë, ndërsa përpjekjet për këtë qëllim i ka cilësuar si një agresion te Serbisë.
(el.me/news24/BalkanWeb)
Pas qëndrimit të djeshëm të qeverisë, e cila e mirëpriti vendimin e trupit gjykues në rastin Kleçka për heqjen e masës së arrestit shtëpiak ndaj deputetit të PDK-së, Fatmir Limaj dhe kthimin e tij në jetën politikë, qëndrim të njëjtë kanë edhe partitë opozitare, të cilat mendojnë se kthimi i Limajt në politikë mund ti kontribuojë vendit.
Edhe pse ende nuk ka përfunduar gjykimi, megjithatë, partitë opozitare e çmojnë martë vendimin e trupit gjykues, i cili hodhi poshtë dëshmitë e dëshmitarit X, duke thënë se, edhe njëherë, po dëshmohet se lufta e Ushtrisë Çlirimtare të Kosovës ka qenë luftë e drejtë dhe e pastër.
Për Ismet Beqirin nga Lidhja Demokratike e Kosovës (LDK), kthimi i Limajt në politikë do të thotë vazhdim i punës së tij, pasi që ai nuk po i hyn për herë të parë politikës.
Beqiri përmes telefonit i ka thënë Kosovapress-it se janë disa zhvillime që kanë ndodhur në PDK, por megjithatë, Beqiri thotë se Limaj si luftëtar gëzon një respekt edhe në LDK.
Zotëri Limaj realisht veç e vazhdon, sepse nuk e kemi që i hyn politikës sepse ka qenë realisht në politikë. Sigurisht, si person, është i mirëpritur së pari në subjektin e tij dhe mund të japë kontribut. Për LDK-në, pa dashtë me hy në elaborime të mëdha, sigurisht se si luftëtar ai e gëzon një respekt dhe pse jo mund të jap kontribut edhe në politikë, ka thënë Beqiri.
Lufta e Ushtrisë Çlirimtare e Kosovës ka qenë luftë e drejtë dhe e pastër, ka thënë për Kosovapress nënkryetari i Aleancës për Ardhmërinë e Kosovës, Ahmet Isufi.
Ai ka shtuar se çlirimtarët që luftuan për vendin është dashur të shpërblehen, e jo të akuzohen për luftën çlirimtare që e kanë bërë.
Lufta e Ushtrisë Çlirimtare ka qenë luftë e drejtë, e pastër dhe në kushtet që është zhvilluar ka treguar se është një meritë e popullit për liri. Prandaj është përkrahur edhe nga bashkësia ndërkombëtare me intervenimin e NATO-s, me mekanizmat e tjerë të cilët kanë ndikuar që Kosova ta fitojë lirinë e vet. Duke e pas parasysh krejt këtë periudhë, ne e konsiderojmë se ata që kanë kontribuar është dashtë të shpërblehen për atë që kanë bërë për vendin dhe të ndihen mirë që janë në një shoqëri demokratike, të lirë dhe në një shtet të pavarur dhe sovran, ka thënë ai.
Isufi ka thënë se ndërhyrja në proces, me kualifikime të tilla të fabrikuara nga Beogradi, i ka bërë dëm proceseve që kanë ekzistuar në Kosovë dhe po ashtu u ka bërë dëm edhe drejtpërdrejt edhe individëve, familjeve të tyre dhe shoqërisë në përgjithësi.
Nënkryetari i AAK-së ka shtuar se nëse dikush duhet të akuzohet për krimet e luftës, ajo është Serbia e jo çlirimtarët që luftuar për çlirimin e vendit.
Sa i përket kthimit të Limajt në politikë, Isufi ka thënë se ka nevojë për njerëz të cilët me idetë dhe kreativitetin e tyre mund ti japin fuqi skenës politike dhe institucionale në vend.
Skena politike e cila ka nevojë për njerëz të cilët mund ti japin fuqi skenës politike dhe institucionale, mund edhe me idetë tyre, me kreativitetit e tyre ti kontribuojnë demokracisë në Kosovë. Prandaj për Aleancën për Ardhmërinë e Kosovës çdo veprim i drejtë është i mirëseardhur dhe dëshirojmë që njerëzit vërtet ta jetojnë lirinë ashtu siç e kanë meritu, ka thënë ai.
Për Dardan Molliqaj nga lëvizja Vetëvendosje, të gjitha gjykimet e pasluftës të ushtarëve të UÇK-së kanë qenë të padrejta dhe të papranueshme për Vetëvendosje.
Të gjitha gjykimet e pasluftës të ushtarëve të UÇK-së, qofshin ato nga gjykata vendore, ndërkombëtare apo edhe jashtë Kosovës, e kam fjalën për gjykatën e Hagës edhe për gjykatat e UNMIK-ut, gjykatat e EULEX-it tash, të gjitha këto inicime dhe raste kanë qenë të padrejta dhe të papranueshme, respektivisht për Vetëvendosjen. Sigurisht se edhe rasti i fundit ka qenë në vazhdën e këtyre rasteve që janë dhe mendojmë se lufta e UÇK-së ka qenë e shenjtë, e drejtë çlirimtare dhe ka qenë luftë e domosdoshme për ta çliruar vendin nga një okupator qysh ka qenë Serbia, ka thënë ai.
Ndërsa lidhur me kthimin e Limajt në politikë, Molliqaj ka thënë se ende nuk e kanë parë qëndrimin e tij, por ka shtuar se qëndrimi i Limajt pas lirimit nga Haga nuk ka qenë i mirë dhe nuk i ka ndihmuar Kosovës për shkak se ka qenë pjesë e një qeverie dhe e një subjekti politik e cila vetëm sa e ka rënduar jetën ekonomike dhe politike në vend.
Ne nuk e kemi parë ende qëndrimin e zotëri Limajt. E kemi pa qëndrimin e tij pas Hagës, nuk ka qenë qëndrim i mirë dhe nuk i ka ndihmuar Kosovës qëndrimet e tij politike, për shkak se ka qenë pjesë e një qeverie dhe pjesë e një subjekti politik, i cili vetëm sa e ka rënduar situatën ekonomike-politike në vend edhe tash nëse do të vazhdojë me të njëjtat gjëra, sigurisht se kjo nuk do ti ndihmojë Kosovës në kuptimin e politikës, ka thënë ai. /kosovapress/
Shpërndaje:
Lideri i AKRsë, Behgjet Pacolli ka hequr dorë nga kërkesa e tij për të marrë edhe një Ministri në Qeverinë e Kosovës.
Së paku kështu ka njoftuar televizioni publik duke u thirrur në burime brenda Zyrës së Kryeministrit.
Kreu i AKRsë për një kohë të gjatë ka pretenduar se në bazë të marrëveshjes me PDKnë atij i takon edhe një ministri. Sidomos kjo kërkesë është aktualizuar pasi ai ishte larguar nga posti i Presidentit të shtetit, vitin e kaluar, kur Gjykata Kushtetuese kishte shpallur se ai ishte zgjedhur në mënyrë të paligjshme në postin më të lartë.
Pas largimit nga zyra kryesore e shtetit, Pacolli kishte marrë postin e Zëvendëskryeministrit të Parë, derisa vazhdimisht kishte përsëritur se partneri i tij i koalicionit, Hashim Thaçi i kishte premtuar edhe një ministri pa e përcaktuar se cila është ajo.
Këtë kërkesë, shefi i AKRsë e kishte përsëritur edhe të dielën gjatë një interviste për Express.
Por të mërkurën, televizioni publik duke u thirrur në burime brenda Zyrës së Kryeministrit, tha se Thaci dhe Pacolli janë pajtuar që AKRja të mos kërkojë edhe një dikaster tjetër brenda Qeverisë.
Sido që të jetë, Zëvendëskryeministrja dhe Ministrja e Tregtisë dhe e Industrisë, Mimoza Kusari ka thënë se ka pasur biseda mes dy liderëve, por nuk ka mundur të konfirmojë këtë marrëveshje.
Ajo ka sugjeruar që për këtë çështje të pyetet Pacolli, por kontakti me këtë të fundit ka qenë i pamundur.
AKRja me koalicionin Aleanca për Kosovën e Re dhe PDKja kishin arritur marrëveshjen për koalicionin në prill të vitit 2011. Sipas kësaj marrëveshjeje, AKRja dhe Aleanca për Kosovën e Re kishin marrë postin e Presidentit, një zëvendëskryeministër dhe 4 ministri.
Pas largimit të Pacollit nga Zyra e Presidentit, Thaçi e kishte emëruar atë Zëvendëskryeministër të Parë.
Shpërndaje:
Kryeministri i Kosovës, Hashim Thaçi, mund të jetë i interesuar që ta ndajë përgjegjësinë për veriun e vendit me Isa Mustafën, por kjo nuk e pengon atë që të planifikojë rrëzimin e Lidhjes Demokratike të Kosovës në Prishtinë. Burime të sigurta të Kohës Ditore kanë treguar se Thaçi, si kryetar i Partisë Demokratike të Kosovës, tashmë ka vendosur për themelimin e një qeverie në hije të PDK-së për Komunën e Prishtinës.
Burimi, një zyrtar i lartë i PDK-së, i është shmangur termit qeveri në hije, duke e quajtur atë kabinet të qeverisjes së mirë për Prishtinën, model ky që PDK-ja tashmë e ka përdorur në nivel qendror, në kohën kur ishte opozitë e Qeverisë LDK-AAK, në vitet 2004-2007.
Partia Demokratike e Kosovës ka vendosur të krijojë një Kabinet për Qeverisje të Mirë për Prishtinën, që do të veprojë me moton Për Prishtinën evropiane, ka thënë burimi, duke shtuar se vendimi do të bëhet publik shumë shpejt, dhe se emrat e njerëzve që do të udhëheqin me këtë qeveri në hije për Prishtinën nuk dihen ende, ndërsa do të vendosen nga vetë Thaçi. Vetëm Thaçi i di emrat, ka thënë burimi.
Vetë kryeministri Thaçi, në një deklarim për gazetën, e ka konfirmuar vendimin, por nuk ka dashur të flasë për detajet e planit që për synim ka rrëzimin e pushtetit të LDK-së në Prishtinë.
Do të krijojmë Kabinetin për Qeverisje të Mirë për Prishtinën, por emrat e njerëzve që do ta udhëheqin atë nuk janë vendosur ende, ka thënë Thaçi, duke shtuar se kjo do të bëhet shumë shpejt. (Koha)
Shpërndaje:
Kuvendi i Kosovës ka miratuar me shumicë votash rezolutën kundër mbajtjes së zgjedhjeve serbe në Kosovë. Kjo rezolutë është bërë në harmoni me të gjitha grupet parlamentare dhe me disa ndryshime nga versioni i parë.
Me 76 vota për, asnjë kundër dhe asnjë abstenim, kuvendi ka miratuar rezolutën e paraqitur me emër të gjitha grupeve parlamentare.
Në emër të gjitha grupeve parlamentare, shefi i Grupit Parlamentar të PDK-së, Adem Grabovci ka prezantuar pikat të cilat janë ndryshuar.
Theksojmë se do të ishte shkelje e sovranitetit dhe cenim i marrëdhënieve të mirë fqinjësore në mënyrë të njëanshme, zgjedhjet në një shtet evropian. Konkludojmë se Kuvendi i Republikës së Kosovës nuk lejon mbajtje të zgjedhjeve serbe në Kosovë dhe kërkon nga Qeveria e Kosovës të zbatoj këtë, ka thënë Grabovci.
Kjo rezolutë është hartuar nga shefat e Grupeve Parlamentare të PDK-së, LDK-së, Lëvizjes Vetëvendosje, AAK-së dhe AKR-së.
Teksti i rezolutës:
1. Theksojmë se do të ishte shkelje e sovranitetit dhe cenim i marrëdhënieve të mirë fqinjësore në mënyrë të njëanshme zgjedhjet në një shtet evropian.
2. Konkludojmë se Kuvendi i Republika e Kosovës nuk lejon mbajtje të zgjedhjeve serbe në Kosovë dhe kërkon nga Qeveria e Kosovës të zbatoj këtë.
3. Kuvendi dhe qeveria njëzëshëm theksojnë se qytetarët janë të bashkuar kundër mbajtjes së çfarëdo procesi zgjedhor që do të cenonte shtetësinë, integritetin territorial dhe rrjedhimisht do të minonte procesin e pajtimi.
4. Kuvendi konfirmon se të gjitha subjektet politike, qofshin pozita e opozitë do të punojnë në përputhje me parimet evropiane dhe me kushtetutën prandaj ju bëj thirrje ta votojmë këtë rezolutë të paraqitur nga të gjitha grupet parlamentare. /kosovapress/
Shpërndaje:
Gjatë seancës së sotem plenare është hequr nga rendi i ditës pika e tetë që kishte të bënte me transmetuesin publik të Kosovës, pasi që ka qenë kërkesë e Grupit Parlamentar të Lidhjes Demokratike të Kosovës. Seanca ka vazhduar punime me miratimin e disa projektligjeve.
Deputeti i LDK-së, Arben Gashi ka kërkuar që të hiqet nga rendi i ditës pika e tetë që kishte të bënte me transmetuesin publik, pasi që, siç ka thënë ai, neni 16 i këtij projektligji nuk ka kaluar nëpër komision dhe nuk ishte i përgatitur ai projektligj.
Të kaloj nëpër komision dhe në momentin kur të vie në seancë mos të ketë problem. Problemi kryesor është se zgjedhja e drejtorit të RTK-së bëhet me një procedurë, ndërsa zgjedhja për kanalin që do të hapet në gjuhën serbe duhet të bëhet me një procedurë tjetër, ka thënë Gashi, siç transmeton Kosovapress.
Ai ka kërkuar që kjo të shtyhet deri në seancën e ardhshme.
Nga ana tjetër, zëvendëskryeministri, Hajredin Kuçi ka kërkuar një pauzë që të sqarohet për këtë nen dhe mos të shtyhet më tutje ky projektligj.
Unë besoj që mocionin që e prezantoi Gashi është i ligjshëm. Mund të bëhet që të kërkohet një pauzë dhe të harmonizohet për këtë nen dhe të mos shtyhet edhe më shumë pasi që dy vite po pritet për këtë projektligj, ka thënë Kuçi.
Por deputetja e Lëvizjes Vetëvendosje, Alma Lama ka thënë se nuk duhet të pengohet ky projektligj, duke shtuar se këtë po e pengojnë disa parti dhe jo pakicat.
Është shumë e çuditshme që ky ligj po pengohet të miratohet. Është dashur që të mendojnë më mirë ata që kanë votuar për këtë nen. Puna në RTK po pengohet dhe nuk mund të bëjmë ligje për një palë dhe për një palë tjetër. Ne jemi për të shtyrë edhe për një javë dhe nuk dëshirojmë që të kaloj neni pa kaluar në komision. Ata që po bëjnë instruksione për RTK-në nuk janë pakicat, por dikush tjetër, ka thënë ajo.
Shef i Grupit Parlamentar i AAK-së, Ardian Gjini ka mbështetur mocionin e LDK-së dhe duke kërkuar harmonizimin e qëndrimeve për këtë projektligj.
Më pas edhe zëvendëskryeministri, Hajredin Kuçi, në emër të Qeverisë dhe Grupit Parlamentar të PDK-së, ka mbështetur shtyrjen e këtij projektligji për javën e ardhshme.
Me shumicë votash është miratuar mocioni i LDK-së.
Gjatë seancës së sotme në lexim të parë është miratuar projektligji për komunikimet elektronike.
Ndërsa në lexim të dytë është miratuar projektligji për deminimin humanitar, projektligji për pensionet e pjesëtarëve të Forcës së Sigurisë së Kosovës dhe projektligji për shërbimet e shoqërisë informatike.
Shpërndaje:
(E plotësuar) Kryetari i Partisë Socialdemokrate, aktualisht ministër i Forcës së Sigurisë, Agim Çeku ka mohuar se e ka ndërmend të braktisë partinë që drejton dhe ti bashkohet Partisë Demokratike të Kosovës.
Ai i tha Kohavisionit se nuk e ka ndërmend të ndërrojë parti, duke rikujtuar se ai dhe partia e tij janë pjesë e koalicionit qeverisës.
Ndryshe, mediat kanë raportuar se radhëve të Partisë Demokratike të Kosovës (PDK) së shpejti pritet që do tu bashkohen edhe kryetari i Partisë Socialdemokrate, Agim Çeku, ish-shefi i SHIK-ut, Kadri Veseli, profesorë universitarë dhe përfaqësues të mediave.
Agim Çeku i bashkohet PDK-së?
Radhëve të Partisë Demokratike të Kosovës (PDK) së shpejti pritet që do tu bashkohen edhe kryetari i Partisë Socialdemokrate, Agim Çeku, ish-shefi i SHIK-ut, Kadri Veseli, profesorë universitarë dhe përfaqësues të mediave. Kështu ka bërë të ditur një burim i gazetës Tribuna Shqiptare, brenda strukturave udhëheqëse të PDK-së.
Deri në qershor do mbahen zgjedhjet në nivel të degëve, kurse deri në fund të shtatorit, eventualisht fillim të tetorit do të përfundojë Kuvendi zgjedhor në PDK. Në radhët e PDK-së do të ketë aderime të reja si Kadri Veseli, Agim Çeku, si dhe disa emra të tjerë të këtij kalibri. Por, do të ketë edhe profesorë universitarë si dhe përfaqësues të mediave. Kështu që PDK-ja do forcohet edhe më shumë me prurje të reja, thotë ky burim, transmeton indeksonline.
Pritet që gjatë Kuvendit zgjedhor do të zhvillohet një garë e fortë brenda partisë. Do jetë një garë e gjerë brenda partisë, kuptohet nga prurjet që kanë qenë më herët, por edhe nga prurjet e mëdha që do vijnë, e që janë emra ta njohur që do ti bashkohen partisë më të madhe në pushtet, ka shtuar tutje ky burim i gazetës.
Shpërndaje:
