Pas një mungese 2- vjeçare, këngëtarja Bleona Qereti është kthyer dje në tokën mëmë, në vendin që e bëri të famshme. Nën shoqërinë e prindërve dhe qenit të saj Xhon, këngëtarja është ulur dje në aeroportin “Nënë Tereza” me një avion privat “Citation Xls”. Ndërkohë, Bleona përgjatë gjithë kohës është shoqëruar edhe nga kamerat amerikane, për shkak se me rikthimin e saj në Amerikë, televizionet atje do të transmetojnë një dokumentar për tour-in, me backstage. Këngëtarja është pritur ndërsa ka dalë nga hyrja VIP, nga katër bodyguardë dhe nga dy makina luksoze.

Siç dihet, arsyeja e ardhjes së Bleonës në Shqipëri është promovimi i albumit të parë në Amerikë. Siç besojmë keni parë në reklama, pjesë e tour-it do të jenë edhe dy DJ zyrtarë të Timbaland, Dj Free Style dhe Brasco, të cilët do të mbërrijnë nesër në Tiranë për koncertin e Vlorës.

Albumi
Shumë prej jush do të vënë duart në kokë kur të mësojnë faturën marramendëse që ka paguar këngëtarja për realizimin e këtij albumi… Plot 3 milionë dollarë, ka paguar Bleona Qereti për të realizuar këtë album të parë në Amerikë, për këngët e të cilit ka punuar me producentët më të mirë të muzikës, siç janë Timbaland, apo Rodney Jerkins (Darkchild)… Sakaq, kjo nuk është e gjitha: Videoja që do të promovojë albumin kap koston e 500 mijë dollarëve, ndërkohë që shpenzimet për tour-in janë të pallogaritshme dhe me shumë gjasa edhe ato do ta kalojnë shifrën e gjysëm milioni dollarë…
Pushimet
Por Bleona është mësuar tashmë me jetën e shtrenjtë. I duhet që çdo javë të udhëtojë nga një kontinent në tjetrin për shkak të eventeve VIP ku është e ftuar, kujtojmë këtu: Javët e modës, aktivitetet muzikore, apo ato të bamirësisë. Ndërkohë që edhe pushimet janë shumë të rëndësishme për një njeri si ajo, që jeton gjatë gjithë kohës nën presionin e kësaj të fundit. Vetëm dy javë më parë ka qenë në Sardenja, ndërkaq, përpara se të vinte në Shqipëri ishte duke pushuar në Bodrum të Turqisë me familjen e saj. Fotot e pushimeve po i sjellim edhe ne, siç kemi bërë edhe me pushimet e mëparshme të saj, përkrah emrave të njohur si Roberto Cavalli, etj.
Tour-i
“Tour-in po e nis nga Vlora duke qenë se është 100-vjetori i Pavarësisë dhe do vazhdoj me Shkodrën, pasi babai im është shkodran dhe unë kam gjak shkodran. Është në axhendë edhe Elbasani, pasi ai është qyteti ku unë kam nisur karrierën. Të tre këto qytete nuk i ndaj dot, sepse kanë lidhje direkte me mua. Më pas tour-i do të vazhdojë me Prishtinën, Zvicrën, Italinë, Tiranën, Tetovën, Gjermaninë, Francën. Me shumë gjasa kjo maratonë koncertesh do të mbyllet në New York e Los Angeles, por asgjë nuk është mbyllur ende, pasi unë vendosa shumë vonë për të ndërmarrë tour-in”, – është shprehur këngëtarja gjatë ditës së djeshme për suplementin, ndërsa ka shtuar se arsyeja pse tour-i filloi nga Shqipëria është në një farë mënyre detyrimi që ka ajo ndaj fansave që e kanë mbështetur për 20 vjet. Bleona tha se me shumë mundësi, ajo do të sjellë në Tiranë, Timbalandin, por kjo mbetet evazive, në varësi të angazhimeve të tij. Bleona Qereti është këngëtarja e parë shqiptare, që po tenton pa fund për të bërë një karrierë në Amerikë, dhe këtë po e bën pa ndihmën e askujt, duke mos mohuar motivimin moral që i ka bërë familja dhe Gani, bashkëshorti i saj. Kënga “Pass out”, singëlli i parë i albumit do dalë në radio në Rusi, Turqi, Angli, Itali, Francë dhe Amerikë gjatë muajve shtator-tetor, ndërkohë që Shqipëria do të ketë rastin ta dëgjojë e para…

Eraldo Rexho Bluetooth

Reperi Kreshnik Fazliu, i njohur si Mc Kresha dhe këngëtarja Rozana Radi vazhdojnë të jenë të përfolur nga mediat, për marrëdhëniet mes tyre.

Këtë herë, mediat njoftuan se lidhjes së dashurisë mes tyre, i ka ardhur fundi.

Kjo gjë ka nxitur reagimin e reperit, i cili u ka bërë me dije mediave se nuk është fare i interesuar që të jetë subjekt i rubrikave rozë.

”Ne bëjmë muzikë, bile e bëjmë me shpirt. Nuk jam VIP dhe hiç nuk jam i interesuar që të jem nëpër rubrikat rozë të portaleve… Thjesht unë e Rozana jemi duke bërë muzikë të mirë. Respektoni artin,” ka shënuar MC Kresha në profilin e tij në rrjetin social Facebook.

Më tej, ai ka ftuar fansat që të blejne albumet e tyre të reja, që pritet të dalin së shpejti në treg.

Listët së vajzave të njohura që po provokojnë në këtë verë të nxehtë i shtohet edhe këngëtarja bionde Valza Bajra, e cila sic e shihni ka realizuar një set fotografik në studion e fotografit Veton Osmani.

E veshur kuq dhe shumë seksi, Valza duket si ndonjë aktore latine, ku edhe është ëndrra e saj të jetë e tillë.

Nëse vajzat e tjera VIP preferojnë të fotografohen në ndonjë pishinë apo në det këto ditë të nxehta, Valza ka zgjedhur ambientet brenda të pozojë kuq dhe “hot”. /Albavipnews/

Eliza në bashkëpunim me shqiptarë të tjerë të Amerikës organizon një mbrëmje të quajtur “Një mbrëmje nën yjet shqiptare”.

Ajo mban një tatuazh të flamurit kombëtar shqiptar në kurrizin e saj, ndërsa ai lokalit të tij i vuri emrin e vendit të tij, prej nga kishte emigruar prej  dy dekadash. Në pamje të parë, aktorja hollivudiane Eliza Dushku dhe pronari i një lokali Leo Keka, duket sikur nuk kanë asgjë të përbashkët. Por ata e kanë një të përbashkët: që të dy me krenari e kanë përqafuar trashëgiminë e tyre shqiptare.

Të shtunën të dy do të bashkohen në lokalin e Leos, të quajtur Alba, ku Leo po organizon mbrëmjen e quajtur “Një mbrëmje nën yjet shqiptare”. Me këtë festë që do të organizohet në lokalin e tij, ata ftojnë të gjithë ata që kanë dëshirë të marrin pjesë dhe të kontribuojnë me para për dokumentarin që Eliza Dushku po përgatit për Shqipërinë.

Sipas Kickstarter, Elizës i duhen edhe 60 mijë dollarë për të përfunduar punimet e të gjitha filmimeve që ajo bëri në Shqipëri përpara një viti.

Një vendalie e Watertown-it, Dushku që është mjaft e njohur për rolin e saj në serialin “Buffy the Vampire Slayer”, falë origjinës së babait të saj, vjet ka marrë edhe kombësinë e dytë, atë shqiptare.

Në dokumentarin që Eliza është duke përgatitur, ka për qëllim të fokusojë kamerat në kulturën, bukurinë dhe pasuritë e Shqipërisë.

“Jam mahnitur gjatë udhëtimit në Shqipëri dhe gjithçkaje që më ka dëshmuar për krenarinë e vendit, qytetit të origjinës sime, Korçës, si dhe marrja e shtetësisë shqiptare”, është shprehur Eliza në intervistë për website-n Kickstarter.

Këtij projekti i janë bashkuar i dashuri i saj Rick Fox, fotografi Fadil Berisha dhe vëllai i saj Nate Dushku. Por tashmë këtij projekti i është bashkëngjitur edhe një shqiptar tjetër i Amerikës, i cili këtë herë nuk do të presë më në lokalin e tij politikanë të famshëm, por VIP-a dhe këdo tjetër që dëshiron të marrë pjesë për të ndihmuar Elizën në përfundimin e projektit të saj.

“Menjëherë si mora telefonatën e Elizës, pranova pa mëdyshje. Shqipëria është një vend aq i bukur dhe kjo është një mënyrë e mrekullueshme për t’ua bërë njerëzve të ditur,” është shprehur pronari i lokalit Alba, Leo Keka.

Festa do të organizohet këtë të shtunë nga ora 7 deri në 10 të mbrëmjes, ku do të ketë një bar të hapur, i cili do të shërbejë ushqime nga tradita shqiptare. Te interesuarit për të marrë pjesë në këtë mbrëmje, mund të kontaktojnë në adresën: [email protected] (LajmeShqip.com)

Eshte shqiptare dhe njihet si nje nga yjet e televizionit amerikan. Drita D’Avanzo, mund te renditet pa frike ne listen e personazheve qe na bejne te ndihemi krenare… E angazhuar ne nje prej spektakleve me te ndjekur atje, Drita ka arritur te kthehet me kohen ne nje prej figurave me te dashura te ekranit. Ne kete interviste ekskluzive per “Bluetooth”, shqiptarja e “Mob Wives” rrefen rrugetimin e saj ne televizion, jeten ne Amerike, familjen, divorcin, deshiren e madhe qe ka per te ardhur ne Shqiperi dhe lidhjet me shqiptaret e famshme Rita Ora dhe Bleona Qereti.

Kush eshte Drita? Ku keni lindur dhe cila eshte lidhja qe keni me Shqiperine?
Une jam nje yll i televizionit amerikan, prej reality-t “Mob Wives”. Kam lindur dhe jam rritur ne Amerike, por prinderit i kam shqiptare. Ata jane njohur me njeri–tjetrin ne Itali dhe u martuan me pas ne Amerike.

Kush ja u ka vendosur emrin? A e dini domethenien e tij?
Me pelqen qe ma drejtuat kete pyetje, sepse eshte nje nder historite e mia te preferuara, qe une e tregoj shpesh. Per fat te keq une nuk kam pasur mundesi ta njoh gjyshin tim, sepse ai ka vdekur perpara se une te lindja, megjithate kam degjuar gjera shume te mira per te. Ai ishte i respektuar dhe i dashur nga te gjithe, ndaj dhe mua me pelqen shume te degjoj histori rreth tij. Nderto, historia qe une pelqej me shume eshte ajo qe tregon se si ai me vendosi emrin. Babai im eshte djali i madh, dhe kur lindi im vellai, gjyshi ia vuri emrin Sinan. Me pas i tha mamase time se nese ajo do te lindte nje vajze ne te ardhmen, ai nuk do te jetonte per ta njohur, por do te donte qe ti vendosej emri: Drita. Kishte deshire qe une te kisha kete emer, sepse donte qe une te sillja drite e ndricim kudo qe te shkoja. Me pelqen fakti qe emri im ka kuptimin “drite” per arsye se mbart shume kuptim ne vetvete. Me pelqen shume edhe fakti qe gjyshi im mendoi per mua madje vendosi dhe emrin tim perpara se une te lindja. Kjo eshte dicka shume e vecante per mua, me duket e mrekullueshme qe e dua kaq shume gjyshin te cilin as nuk e njoha.

Dini te flisni shqip?
Gjuha e pare qe kam folur eshte gjuha shqipe. Ne femijeri flisja shqip shume rrjedhshem, por kur babai im filloi pune si trajner, duhej te fliste anglisht ne menyre te perkryer, cka na detyroi qe familjarisht te flisnim me shume anglisht dhe me pak shqip. Ende kuptoj shqip, por nuk jam ne gjendje ta flas ate njesoj si atehere ne femijeri.

Cili eshte profesioni juaj?
Kam modeluar qe ne moshen 14-vjecare, por si profesion baze kam te qenit nje “make-up artist”. Gjithashtu kam luajtur me skuadren kombetare te futbollit per femra (cka do te kisha dashur te ishte profesioni im) .

Sa i veshtire ka qene rrugetimi ne boten e televizionit amerikan?
Eshte e veshtire te jesh pjese e nje shfaqje televizive. Une jam njeri shume diskret dhe nuk para hapem me te tjeret. Kam punuar ne te njejtin vend per vite me radhe dhe asnjehere s’kam ndare me te tjeret shqetesimet ose problemet e mia. Pra, nuk eshte e lehte per mua te hapesh me dike dhe te flasesh per cdo gje. Gjithashtu me ka shqetesuar fakti nese kjo ka qene zgjedhja e duhur per femijet e mi, por mundesite e biznesit jane te pafundme ndaj dhe me eshte dashur te bej dhe te ofroj me te miren per femijet e mi.

Cilet kane qene njerezit qe ju kane ndihmuar?
Prinderit e mi jane te respektueshem, kane punuar shume per ate qe kane arritur dhe bejne nje jete shume te rregullt e te ndershme. Kesisoj, ata nuk ishin dakord me vendimin tim per t’u martuar me nje djale “rruge”, sepse ata e dinin qe do te kisha nje jete te veshtire, dhe kishin te drejte. Martesa ime shpeshhere me vuri perpara pozites se femres beqare qe duhej t’u siguronte dhe ofronte cdo gje vete femijeve te saj. Megjithate, familja asnjehere nuk ma ktheu kurrizin, ata ishin gjithnje aty per mua. Kam nje familje shume besnike dhe te dashur, ndaj shpesh them: “nuk do te isha personi qe jam sot pa babain dhe nuk do te isha ketu ku jam sot pa mamane time”. Fale tyre une munda te hap dyert e suksesit dhe te jetoj endrrat e mia. Nuk do te kisha bere dot kaq shume pa ta, jam shume me fat!

Cili eshte reagimi i njerezve kur mesojne se ju jeni shqiptare?
Kur shqiptaret marrin vesh se jam shqiptare gezohen shume. Mendoj se te gjithe jane kurioze te dine se si u martova dhe si u perfshiva ne kete lloj jete, cka me duket interesante.

A keni ardhur ndonjehere ne Shqiperi?
Kam qene ne Shqiperi ne 1996, pasi vellai im ka luajtur per skuadren e Dinamos. Ai eshte nje futbollist i zoti dhe ka pasur gjithnje deshire te luaje ne Shqiperi. Kur ai ishte andej me mori shume malli, duke qene se jemi shume te lidhur, ndaj erdha me mamane time dhe i beme surprize. Me pelqeu shume Shqiperia dhe u gezova qe pata mundesine te takoja gjithe ata njerez si dhe te vizitoja vendlindjen e prinderve te mi. Me dukej edhe mua sikur kisha lindur atje.

Punoni edhe si ‘make-up artist’, mes ketyre dy dashurive (televizionit dhe punes si grimiere), cila dominon?
Televizioni me ha shumicen e kohes. Jam gjithe kohes duke punuar. Nese nuk jam duke regjistruar, jam duke bere takime me fansat, ose me shtypin. Gjithashtu jam duke lancuar linjen time kozmetike te quajtur “Just Me Cosmetics”, dicka per te cilen jam shume e lumtur.

Flasim pak per jeten tuaj private….Eshte shkruar per nje divorc, mund te na qartesoni pak ju lutem? Vazhdoni te jeni e martuar?
Kam depozituar dokumentat e divorcit, dhe Lee i firmosi, por duhet kohe qe kjo te finalizohet. Kisha vetem 3 jave martese kur Lee perfundoi ne burg per 6 vjet. Me pas u kthye ne shtepi per 2 vjet, dhe u largua serish 5 vjet te tjere. Per familjen time zgjidhja nuk eshte divorci. Une jam rritur ne nje familje me parime ku besnikeria ka shume rendesi. Une bera te pamunduren qe cdo gje te funksiononte ne menyre qe te mos e vija familjen time ne siklet, e as te mos tregoja mungese respekti ndaj saj. Keshtu, duke qene se jam rritur ne nje familje ku besnikeria eshte nje nga parimet kryesore, kur bashkeshorti im me tradhtoi pas gjithckaje qe bera per te, u nevrikosa shume. Ne menyre te menjehershme takova nje avokat per ceshtjet familjare. Une jam nje femer e forte dhe e pavarur dhe nuk lejoj qe askush te tregoje mungese respekti ndaj meje ne ate menyre. Keshtu do te eci perpara ne jete. Fakti qe jam vetem nuk me shqeteson, sepse jam mesuar me kete. Jam e perqendruar duke ndertuar me te miren per vajzat e mia, si dhe duke u mesuar atyre se duhet te jene gjithnje te ndershme dhe besnike, dhe se asnjehere nuk duhet te zgjedhin rrugen me te lehte ne nje marredhenie (divorci), por gjithashtu nuk duhet te lejojne asnje mashkull te abuzoje me besnikerine e tyre. Ato duhet te kene gjithnje respekt per veten.

Si jeni njohur me bashkeshortin tuaj?
E njoha bashkeshortin tim kur isha 14-te, por vetem 7 vjet me pas fillova te dilja me te. E dija qe Lee ishte i respektueshem ne rruge dhe se ishte nje djale rrugesh, por s’e dija se me cfare merrej saktesisht. 6 muaj pasi kishim filluar te dilnim bashke me propozoi martese.

Ju keni njohje me Rita Oren, sakaq Bleona Qereti eshte ajo qe me tregoi per ju. Na tregoni pak me shume per keto miqesi, si jeni njohur me to? Keni lidhje me shqiptaret e tjere atje?
Njoh shume shqiptare ketu te cilet nuk jane te famshem. Sapo jam njohur me Rita Oren dhe jam nje fanse e saj. U bera nje fanse e saj sapo mora vesh qe ishte shqiptare. Jam shume krenare kur shoh suksesin e saj, dhe akoma me shume per faktin se ajo eshte shqiptare. Kur e takova, vrapova drejt saj dhe e perqafova si ta njihja prej vitesh. Do e mbeshtes gjithnje ne cdo gje qe ajo do te vendose te beje. Nderkaq kur mora vesh se do te haja darke me Bleonen u gezova vertet shume! Ajo ishte shume e bukur dhe kishte personalitet shume te ngjashem me timin. Ajo me sjell ndermend nje femer te pavarur dhe te forte. Ishte shume e kendshme dhe shume e talentuar. U lidhem menjehere. Une nuk e di se si eshte te jesh shqiptare, por di qe eshte e mrekullueshme menyra se si u lidha menjehere me Bleonen dhe Riten. Bleona ka bere nje pune te shkelqyer dhe kam bindjen se do te ece perpara. U uroj fat, shendet dhe sukses te dyjave. Do te kisha deshire te punoja me to, megjithate ato e dine se mund te trokasin ne deren time nese do te kene nevoje per dicka.

Si funksionon showbiz-i andej?
Showbiz-i eshte shume me i veshtire nga sa e mendojne njerezit. Nuk eshte jete te jesh tere kohesh ne syte e publikut dhe te gjykohesh prej tij tere kohes. Punon gjate gjithe kohes dhe nuk ke jete private, por te pasurit e fansave qe me duan dhe me mbeshtesin duke me uruar me te miren per mua dhe per femijet e mi, me ben te ndjehem shume mire. Pra ka te mirat dhe te keqijat e saj. Perfundimisht, te jesh i famshem nuk eshte e lehte.

Ke nga artistet, personazhet VIP, konsideron mik?
Bashkepunetoren time Carla nga Mob Wives e konsideroj miken time, por kam bere miqesi edhe me yje te tjere.

Kur do te vini ne Shqiperi?
Shpresoj sa me shpejt. Kam shume deshire te vij atje bashke me vajzat e mia. Shpresoj qe edhe ato do i kalojne castet e bukura qe kalova dhe une kur erdha atje dhe pashe nga afer prejardhjen e familjes sime. Ato dine pak fjale shqip, prandaj do te kisha deshire qe t’i sillja aty gjate veres qe te mesojne edhe me shume shqip. Vajza ime e madhe Aleeya, nuk ka mesuar asnjehere se si te lexoje a te flase shqip, por nuk e di se si arrin te lexoje ne shqip. Babai im i dha nje Gazete Shqiptare, te cilen ajo e lexoi te gjithe tekstin duke shqiptuar fjalet sakte dhe pa gabime. Nuk e di se si eshte e mundur te ndodhe kjo. Ajo kendon edhe himnin kombetar shqiptar. Familja ime eshte e mrekulluar prej ketij fakti. Vajzat e mia jane shume krenare qe kane gjak shqiptar, ndaj dhe veshin bluza me shqiponjen e stampuar. Menaxheri im do te vije aty, ndaj shpresoj te takohemi sa me shpejt. Perpara se ta mbyll dua te te falenderoj per intervisten. Perseri dua te ve ne dukje se kam qene, ndjehem dhe do te ndjehem gjithmone krenare per prejardhjen time shqiptare.  (eraldo rexho/bluetooth)

Është konfirmuar tashmë se këngëtarja e njohur botërisht, Eve, do të performojë në Kosovë në kuadër të  Powow Fest, që organizohet nga Powow Entertainment.

Bashkë me këngëtaren e njohur me hitin ”Who’s that girl”, në skenë do të ngjiten edhe Nora Istrefi dhe Altuna Sejdiu, si ”warm up”, duke i paraprirë performancës së Eve.

Koncerti do të mbahet me 5 korrik në sallën 1 Tetori në Prishtinë.
Biletat akoma nuk kanë dalur në shitje, por janë konfirmuar çmimet. Kështu, çmimi i biletës është 10 euro, ndërsa bileta VIP kushton 15 euro.

Elvana Gjata ka qenë më e lumtura nga personazhet VIP të “Dancing with the stars”, pasi bashkë me kupën arriti të fitojë një apartament luksoz në Tiranë. Në after party-n e organizuar të enjten në mbrëmje bashkë me hapjen e “Sumer Matis”, në tarracën e “Magic 4”, ku tashmë ndodhet “Matis feel good”, Elvana festoi fitoren bashkë me garuesit e tjerë.

Në party-n ku ishin të pranishëm të gjithë balerinët dhe VIP-at e “Dancing with the stars”, këngëtarja nuk ngurroi të pozojë para fotografit, duke reklamuar të pasmet e saj, një mani  që ka filluar ta shfaqë së fundmi në të gjitha eventet kur merr pjesë.

 

“Lidhja jonë është një lidhje normale dhe s‘ka arritur në atë gradë që ne të mos bëjmë asnjë moment pa njëri-tjetrin”

Ishte mësuar me vëmendje mediatike, e ndaj përballë kamerave dinte si të mund të jepte më të mirën e tij. 25- vjeçari Ermal Merdani hyri në “Big Brother 5” me një synim të mirëmenduar, pikërisht për të bërë realitet ambicien për të qenë një moderator programesh televizive me audiencë. Aventurën e tij në BB ai e përjetoi në çift me Françeskën. Ndaj në këtë intervistë tregon taktikat për ta luajtur lojën i vetëm dhe si po e jeton në realitet lidhjen me 18-vjeçaren nga Vlora.

Në lojën tënde në “Big Brother 5” u komentove si një djalë arrogant dhe mendjemadh. Je kështu në të vërtetë?
Jo aspak. Edhe në lojë nuk besoj se u prezantova si mendjemadh. Sa për arrogant, duhet të jem gjithmonë me njerëzit që nuk i njoh, aq më tepër në një spektakël të tillë që nuk e di me kë ke të bësh, nuk e di fare sjelljen e tyre e cila mund të jetë dhe e shtirur, dhe natyrisht që do u vendosësh një barrierë, dhe barriera ime në këtë rast ishte arroganca. Edhe në jetë kështu veproj, derisa me kalimin e kohës muri rrëzohet duke krijuar lidhje sociale me personat që më rrethojnë. Këtë e bëj që të mos u lejoj të tjerëve të më zbulojnë mua të parët se kush jam, por t’i njoh unë i pari.
Hyre në lojë me një titull, atë të misterit. Të ka dhënë pikë apo të ka ulur ky fakt, pasi në kohët që jetojmë një mashkull i bukur edhe paragjykohet?
Me lojën time unë e rrëzova mentalitetin që ekziston mbi njerëzit e bukur, që mendohet se nuk dinë të bëjnë asgjë në jetë. Unë përkundrazi, tregova që dija të bëja shumë gjëra duke filluar nga gatimi, aq sa i kam lënë të gjithë me gojë hapur. Dhe pas një bilanci në mendjen time, pas kësaj loje unë ia arrita qëllimit që të dal si personi më pozitiv në lojë.
Ndërkohë u komentove shumë për lidhjen me Françeskën, ku u etiketove si djali që i bën presion të dashurës….

Françeska në sfilatë

E di dhe gjithmonë e kam kundërshtuar këtë perceptim të gabuar për mua. Unë përkundrazi, e di si është shoqëria jonë dhe me qëllimin e mirë jam përpjekur të bëj disa ndryshime të vogla në mentalitetin e shoqërisë, sidomos me modelin që dhashë në lidhjen time me Françeskën. Pikërisht në këtë lidhje unë kam qenë korrekt dhe jo ndikues, pavarësisht se herë pas here më kanë etiketuar si tipi i mashkullit që ushtroja presion ndaj Françeskës. Unë gjithmonë e kam mohuar këtë fakt, kam bërë gjithçka që duhet të bëjë një mashkull i vërtetë, dhe ndoshta kjo ka qenë arsyeja që pas daljes nga loja më kanë ardhur shumë ftesa për martesë, sidomos nga mamatë për vajzat e tyre. (qesh).
Françeska si i ka pritur këto propozime për martesë, është ndier xheloze?
Jo, ajo i kupton shumë mirë dhe nuk i tingëllojnë të çuditshme për të këto propozime. Gjithashtu më duhet të theksoj se jam shumë mirë me Françeskën.
Por siç ndodh shpesh me historitë e krijuara në BB, edhe lidhja juaj nuk u shpëtoi dot paragjykimeve. Si je ndier kur disa nga banorët e kanë konsideruar lidhje thjesht për lojë?
Unë jam përpjekur që ta mbroj këtë lidhje, që u krijua mes meje dhe Françeskës në BB për t’u dhënë një këshillë njerëzve kudo ku janë, që mos u merrni me fjalë lart e poshtë, por lërini njërëzit të jetojnë si të duan dhe të bëjnë çfarë të kenë qejf me jetën e tyre, pa cenuar të drejtën e tjetrit. Kjo ishte ajo që unë tregova me debatet e mia, duke mbrojtur veten dhe Françeskën.
Po për lidhjet tuaja të mëparshme që janë përfolur dhe nga banorët, keni diskutuar me njëri-tjetrin?
Po kemi biseduar, dhe ka qenë Françeska ajo që është mërzitur, e ndikuar edhe nga banorët. Mendoj se janë gjëra normale për çdo njeri, dhe dy njerëz të emancipuar duhet t’i kuptojnë shumë mirë.
Të intereson ty e shkuara e femrës me të cilën krijon lidhje? Në këtë rast je ndikuar nga komentet?
Absolustisht, jo. Nuk më shqetëson fare e shkuara, pasi një femër, apo Françeska në rastin konkret, rri me mua se i pëlqen dhe ka dëshirë. Dhe kjo është e rëndësishmja në një çift.
E tashmë që loja ka përfunduar, vazhdoni të grindeni apo po jetoni një lidhje më të qetë?
Jo, tashmë lidhja është normalizuar dhe madje s’kemi zënka fare jashtë, ndoshta ngaqë nuk kalojmë më 24 orë në 24 bashkë si në lojë. Për shembull kemi një javë që Françeska është në Vlorë, dhe ne flasim në telefon. Është bukur dhe kështu.
Tani që po e jeton lidhjen jashtë emocioneve të garës, është Françeska vajza e duhur për ty?
Si fillim mund të them se Françeska që po njoh tani, është njësoj si ajo që kam njohur në lojë. Kurse për sa i përket ideales, secili nga ne ka një person ideal në mendje, por që është e pamundur ta gjesh dhe ndaj mbetet gjithmonë një ëndërr në sirtar. Françeska më duket shumë më e mirë jashtë, pasi është më e qetë dhe ndoshta në BB ndikohej nga banorët apo presioni i lojës.
Është lidhja juaj nga ato pasionantet?
Mua më duket lidhje normale. S’është se ka ndonjë veçanti dhe s’mund ta parashikoj se sa do të zgjasë. Për momentin jemi vërtet mirë pranë njëri-tjetrit.
Në një intervistë, babai yt është shprehur skeptik ndaj lidhjes. Ka ardhur Françeska për vizitë në shtëpinë tuaj, si është pritur nga prindërit?
Po, Françeskën e mora në shtëpi, ku u takua me familjen time. Për sa i përket asaj që ka shprehur babai, mund të sqaroj se opinioni i prindërve ishte i ndikuar dhe nga gazetat. Por prindërit e dinë shumë mirë çfarë bëj, ata nuk janë ndikues në zgjedhjet e mia, pasi e dinë që nuk gaboj. Jam gjithmonë vigjilent dhe nuk ma ha qeni shkopin kollaj.
Keni planifikuar pushime, dhe a keni marrrë ndonjë ofertë turistike si çift nga ndonjë fans?
Jo, nuk kemi marrë asnjë ofertë nga ndonjë fans. Por kemi plan të shkojmë me pushime në Korfuz bashkë me Erionin e BB5. Shpresojmë të shkojmë së bashku, por gjithmonë kur të marrim lekët si finalistë nga produksioni i “Big Brother”.
Ndërkohë u fol për një bashkëjetesë, është një hap që do e hidhni bashkë?
Bashkëjetesë jo, pasi mjaft bashkëjetuam për tre muaj të përkthyera gati në një vit. Mendoj se është shpejt dhe nuk ka ndonjë arsye konkrete e fortë që ne të bashkëjetojmë. Lidhja jonë është një lidhje normale dhe s‘ka arritur në atë gradë që ne të mos bëjmë asnjë moment pa njëri-tjetrin. Françeska do të vijë në Tiranë në shtator që të fillojë shkollën dhe lidhja jonë do vazhdojë normalisht.
Gjithsesi, kjo është një lidhje e krijuar në një reality show. I ke paragjykuar çiftet e BB-së, beson në jetëgjatësinë e tyre?
Nuk i kam paragjykuar, pasi varet nga marrëdhënia e secilit çift. Unë i kam parë më parë të gjitha çiftet e krijuara në katër edicionet e mëparshme të BB, dhe ajo çfarë kam vënë re edhe të lidhur kanë bërë lojën. Solla një risi në BB5, duke servirur modelin e çiftit të lirë gjatë ditës, ku secili është në punën e vet dhe të lidhur gjatë darkës, ndërsa bisedonin bashkë. Dhe në sajë të kësaj strategjie unë dhe Françeska jemi i pari çift që kemi arritur në finale bashkë, pasi unë kam dashur të bëhet kështu dhe e kam shprehur që në fillim.

Ermali: Në shtator do më shihni në ekran
Është student i Shkencave Politike, dhe aktualisht i angazhuar në organizatën e të rinjve “Kuvendi civil”. Pohon se i pëlqen politika, por para së gjithash Ermali gjithmonë e ka shprehur se ambicia e tij kryesore është ekrani. “Në shtator shpresoj të jem në ekran. Kam dëshirë të jem pjesë e televizionit sezonin e ri televiziv, dhe mundësia e parë që do më jepet, do e shfrytëzoj në maksimum duke dhënë gjithë potencialin tim për të arritur më të mirën time e për të qenë një moderator i pëlqyer në televizion”, thotë Ermali. “Dëshira ime është të realizoj një emision me të rinj, ku të debatohet për tema sociale e ata të flasin për jetën e tyre. Aktualisht kam marrë ofertat e para, por natyrisht që do dëshiroja të jem pjesë e “Top Channel”. Këta dy muaj të verës do të punoj si menaxher në lokalet e natës, ndërsa me Erionin kemi një ofertë për të punuar në Lollipop-in veror në Drimadhes”, tregon Ermali.

Ja çfarë bën Ermali kur Françeska është në Vlorë
Si një menaxher i clubeve të natës, Ermali nuk mund t‘i lërë pa frekuentuar eventet që organizohen në Tiranë, në prani ose jo të Françeskës. Këto ditë që e dashura e tij ndodhet në qytetin  e lindjes, Vlorë, Ermali është fotografuar në shoqërinë e miqve të tij në hapjen e “Sumer Matis”, në një grand party të organizuar në tarracën e “Magic 4”, ku tashmë ndodhet “Matis feel good”. Në party-n ku ishin të pranishëm të gjithë balerinët dhe VIP-at e “Dancing With the stars” u fotografuabn dhe shumë personazhe të të tjerë të “Big Brother”.

KLOTILDA HARKA  PANORAMAPLUS

Moderatorja e njohur flet për familjen, impresionet e bashkëpunimit me Alban Dudushin dhe ambiciet e reja në ekran për sezonin e ri.

Në televizion shfaqet prej një dekade, ndërsa ka drejtuar formate të ndryshme nga programet me doza humori, e deri tek ato me tone serioziteti. Prej katër vitesh quhet Xhemi Shehu e të dielave në “Top Channel”. Nuk është çudi që shpejt ta shohim në një format krejt të ri, që e ka ëndërruar prej kohësh dhe që do të jetë vërtet terreni ku ajo preferon të shkelë. Prezantuesja e njohur e “Top Channel” mbyll sezonin e “E diell” në një rrëfim për veten, familjen, djalin 1-vjeçar dhe ambiciet e saj të reja për ekranin.

Është mbyllur një sezon i gjatë televiziv i të dielave në “Top Channel”. Si do ta përshkruaje këtë eksperiencë për herë të parë duke moderuar me Alban Dudushin?
Për mua ky ka qenë një nga sezonet më impenjative të programit “E Diell”,  për shkak të vetë punës së madhe e përkushtimit që kërkonte secila nga rubrikat. Nga ana tjetër do e cilësoja edhe si një nga sezonet më të bukura që kam përjetuar dhe kjo jo vetëm falë dasmave që me të drejtë tërhoqën vëmendjen e të gjithëve apo kinema kuiz-it, tek i cili përjetoja gëzim ose jo, njëlloj si ndonjë konkurrent, për të cilin bëja tifo nën zë, por edhe falë Albanit me të cilin pata fatin e mirë të bashkëpunoj.
Ndërkohë që të gjithë pushojnë të dielave, ty të duhet të jesh në punë. Të ka privuar puna për të kaluar fundjava jashtë Tiranës? E ke ndier ndonjëherë si problem?
Tashmë ky është një problem i superuar prej kohësh, edhe pse e konsideroja si të tillë vitin e parë të programit “E Diell”. Gjithsesi, me kalimin e kohës fillova të përshtatesha e për më tepër jam munduar gjithmonë që të rikuperoja fundjavat e humbura përgjatë sezonit veror.
Ndërkohë që pas çdo sezoni normalisht mund të bëhet një bilanc. Sa e suksesshme dhe e shpërblyer në sukses dhe para je ndier këtë vit?
Bilancin më të mirë e ka bërë dhe e bën gjithmonë publiku me komentet qofshin këto pozitive apo negative në kuadër të asaj që kemi përcjellë tek ata. Fatmirësisht, edhe pse nuk habitem, peshorja ka anuar nga komplimentet, urimet e fjalët e përzemërta të cilat përkthehen si sukses. E përderisa edhe unë kam qenë pjesë e kësaj pune gjigante, e tillë ndihem edhe vetë.
Ky ishte viti i parë që moderove programin me statusin e nënës. Ia ndieje mungesën Martinit gjatë të dielave?
Martinit ia ndjej mungesën çdo sekondë që jam larg tij, pak rëndësi ka ku ndodhem, por më qetëson shumë fakti që ai është në duar të ngrohta e të sigurta që e duan e kjo më ka bërë gjithmonë që të vazhdoj punën e përqendruar pa pasur asnjë merak për të.
Në fillim të sezonit pati aludime se Xhemi nuk do i kthehej ekranit përsëri pas krijimit të familjes. Pas shumë vitesh punë në televizion ndihesh më shumë e dashuruar me televizionin, apo e sheh si një punë që di ta bësh më mirë?
Nuk besoj se njeriu heq dorë nga puna, s’ka rëndësi profesioni, pikërisht në momentin e krijimit të familjes, për më tepër kur ka investuar shumë gjatë viteve, hiq këtu ndonjë rast specifik. Unë gjithmonë e kam konsideruar punën në shërbimin tim e tani natyrshëm e konsideroj atë në shërbim të familjes. Nuk di të them nëse është kjo ajo që di të bëj më mirë për aq kohë sa nuk kam provuar të bëj diçka tjetër.
Për sa i përket formës sate fizike nuk u vu re asnjë ndryshim pas lindjes. Ke praktikuar ndonjë dietë ose më saktë çfarë bën për të mbajtur trupin në formë?
E kam thënë vazhdimisht që nuk kam mundur dot të bëj asgjë për efekt kohe, edhe pse më duhet të “lëviz” që të shkoj realisht në peshën time të mëparshme. Sa u përket dietave, nuk kam hequr dorë nga ushqimi për asnjë moment, siç nuk e kam bërë kurrë më parë.
Tashmë që sezoni televiziv është mbyllur për “E diell”, ku i keni planifikuar pushimet këtë verë me djalin tuaj 1-vjeçar?
Kjo është vera e dytë në fakt që i kaloj si nënë, meqenëse Martini ka lindur në majin e vitit të kaluar. Ende nuk kemi planifikuar asgjë, edhe pse mendoj që të bëj fundjava të gjata e të shpeshta brenda kufijve.
Rikthehemi te televizioni. Për pak numëron 10 vite në karrierën tënde televizive, si moderatore e formateve të ndryshme që ke prezantuar. Do hiqje dorë nga “E diell” për ndonjë arsye?
Programin “E Diell” e konsideroj tashmë si pjesë timen shumë të rëndësishme prej katër vjetësh, dhe realisht vetëm një arsye madhore më bën të heq dorë prej saj.
Cila do të ishte kjo arsye madhore? Ekziston ndonjë format televiziv që ti e ke ëndërr ta realizosh?
Patjetër që po, është pikërisht kjo arsyeja madhore që sapo përmenda. Është thjesht çështje kohe që unë të prek “terrenin” tim të preferuar.
Zakonisht publiku bëhet kureshtar të dijë se cilët janë miqtë e tu të vërtetë nga kolegët brenda “Top Channel”, dhe po ashtu miqtë e tu VIP me të cilët mund shkëmbesh miqësi jashtë ekranit, sidomos tani që ke kohë të lirë më shumë…
Nuk do doja t’i përgjigjesha kësaj pyetjeje, sepse jam e bindur që do të harroja ndonjë mik pa dashje e nuk dua të krijoj pakënaqësi. Por doja t’u uroja pushime të mbara lexuesve të gazetës suaj e gjithashtu Arbanës, Amit, Ermalit, Enos e Ledionit.

KLOTILDA HARKA PANORAMAPLUS

Këngëtarja 33-vjeçare Bleona Qerreti, pas shumë përpjekjeve të njëpasnjëshme për të depërtuar sadopak në industrinë amerikane të muzikës, po mendon tashmë të bjerë në sy duke joshur me trupin. Pasi i ka provuar të gjitha mënyrat, ajo ka vendosur të tregojë linjat e saj, ndërsa ka realizuar foto ku shfaqet nudo. Një nga fotot ajo e ka postuar vetë për fansat në faqen e saj personale në facebook, si për të testuar mendimin e fansave dhe të publikut.

Ndërkohë që nuk dihet ende destinacioni i këtyre fotove, nëse do mund të botohen në ndonjë kopertinë reviste. Para paka muajsh, këngëtarja u shfaq në disa foto eventesh në Amerikë, me linja të tjetërsuara dhe në mbipeshë. Në vazhdën e ambicies së tepruar për famë hollivudiane, që ka rezultuar e pamundur deri tani, ajo herë pas here publikon në profilet e saj, në rrjetet sociale, njoftime për prezencën personale në evenimentet botërore, si dhe foto të ndryshme me personazhe VIP.

Mes atyre fotove ajo publikoi në profilin e saj në faceboook një foto me Guetta DJ, nga më të famshmit në botë, një foto e shkrepur në Beverly Hills, aty ku jeton Bleona këto kohë. Por ajo çfarë binte në sy në këtë foto, është transformimi i linjave të trupit, ku vihet re një shtim i madh në peshë.

Bleona Qerreti dha një intervistë gjatë pjesëmarrjes së saj në festën promovuese të çmimeve “Grammy 2012”, ku foli për albumin e saj të ri, për të cilin shprehej se do të jetë së shpejti në treg. Ajo konfirmoi gjithashtu se së shpejti do të lançojë edhe një video “hot”.

Ndoshta seti i fotove të reja nudo është realizuar gjatë xhirimit të kësaj videoje, për të cilën këngëtarja nuk është shprehur ende në media.  PanoramaPlus